428 NOLANA

fectum tamen ut « praemissa omnia et singula, ad antedictas metropolitanas aliasque ecclesias . . . . converti et erogari deberent. »

Extant insuper subsidia a Gubernio oblata, prout ipse Episcopus Nolanus innuit , quae quidem si nequeunt stricte assimilari dotationibus patronorum , vel reditibus ab iisdem ecclesiae assignatis, semper tamen utilitati ac indigentiae ecclesiarum prospiciunt, praesertim si stabiliter sint con- stituta.

Quibus animadversis, quaesitum fuit quid precibus esset respondendum.

RESOLUTIO. Sacra Congregatio C. re discussa, sub die 19 Septembris 1893 censuit respondere : Attentis peculia- ribus temporum rerumque adiunctis, iisque perdurantibus, nihil esse innovandum,

FIRMANA

POSTULATUM QUOAD LITTERAS TESTIMONIALES ORDINANDORUM

Die 9 Septembris i 893. Per summaria precum.

COMPENDIUM PACTI. In relatione status ecclesiae Firmanae S. C. C. exhibita, haec Cap. 9 de Postulatis, secundo loco reperiuntur.

« Alterum dubium respicit necessitatem litterarum testi- monialium in sacris ordinibus conferendis iis clericis, qui mi- litare servitium complere coacti sunt, et durante militia, hac illae vagare debuerunt. Equidem scio in Constitutione S. M. Pii IX, Apostolicae sedis, statutum esse -- suspen- sionem per annum ab ordinum administratione ipso iure in- currunt ordinantes.... subditum proprium qui alibi tanto tem- pore moratus sit, ut canonicum impedimentum contrahere ibi potuerit, absque Ordinarii eius loci Uteris testimonialibus >.