FIRMANA 429

Verum haec iuris dispositio adeo generalis, quae ceteroquin haberi potest tamquam extensio obligationis impositae ab In- nocentio XII in sua Constitutione - Speculatores - non videtur omne dubium excludere pro re, de qua agitur, nempe pro commoratione omnino precaria, eiusdemque naturae' ac commoratio vagorum, quibus in iure militares comparantur. Accedit quod Congregatio S. Universalis Inquisitionis, cui a SSmo Domino munus fuit commissum ad examen revo- candi legem militaris delectus relate ad clericorum promo- tionem ad sacros ordines, cupiens faciliorem reddere, quan- tum possibile est, eorumdem clericorum promotionem, regulas dedit sub die 18 Septembris 1875, quas observare debent Episcopi Italiae in his casibus; neque innuit inter has re- gulas necessitatem litterarum testimonialium, praescribens tamen habitualem et continuam inspectionem et vigilantiam super moribus clericorum militarium ope informationum ab Ordinariis locorum, ubi degunt clerici, quibus Ordinariis spe- ciali modo sunt iidem clerici a proprio Episcopo commen- dati. - Haec autem habitualis et continua inspectio, una cum particularibus informationibus Ordinariorum, sicuti effi- cacior est, ad cognoscendam vitae et agendi rationem cleri- corum, ipsis testimonialibus litteris a Curiis ecclesiasticus ex- peditis, ita loco ipsarum litterarum testimonialium habenda esse videtur.

« Praeterea illa iuris dispositio quae continetur in Const. Apostolicae sedis, eiusdem naturae esse videtur ac altera, quae respicit libertatem status probandam ab iis, qui matri- monio iungi velint. Iamvero pro militaribus, cum praesu- matur impossibilitas afferendi documenta status libertatis ex iis omnibus locis ubi aliquo tempore remorati sunt, indul- getur ut status libertas iuramento suppletorio demonstrari possit. A pari dicendum videtur pro clericis, qui militiae servitium compleverunt; imo fortasse ne iuramentum quidem hac in re necessario exigendum, eo quod pro matrimonio contrahendo verus processus requiritur, qui pro ordinatione nullibi praescribitur. Ceterum grave onus iniiceretur clericis