HABANEN. 433

accersivit Patrem Garcia, superiorem harum religiosarum, iussitque ab officio removere Superiorissam ceu ineptam re- gimini, et transferre ad aliam domum, extra Dioecesim/ Sororem Refugio; praevia tamen competenti satisfactione propter iniurias Episcopo ab una illatas, ab altera ratas habitas,

Pater Garcia, qui nihil noverat quia tunc aberat, respondit nihil facere posse; dum haec remotionis poena infligi tan- tum a consiliis superiorum Ordinis possit. Responsum Vi- cario generali haud arridens, innixus Tridentino Sess. 25 cap. 3 de ref. iussit eiici ab Hospitio S. Lazari, trium die- rum spatio, duas praedictas religiosas sub excommunicationis maioris interminatione et multae a libellis 500 pro prima die ad 2500 pro secunda, atque ita porro.

Pater Garcia Vicarium generalem adivit paratus ad multas rependendas, renuens tamen exequi ex conscientia mandatum de Religiosarum expulsione, utpote quae exce- deret propriam auctoritatem. Vicarius generalis ratus id mi- nime veritate niti, ex documentorum examine a se instituto, sententiam protulit, qua Patri Garciae tribusque Religiosis multam 4000 libellarum in solidum imposuit, eo quod falso asseruerint potestatem non habere eliciendi duas religiosas ex Hospitio s. Lazari; aliamque multam libellarum 250 pro singulis diebus donec eiicierentur praedictae sorores ex. Ho- spitio; privavit omni iurisdictione dictum patrem dictasque religiosas ; ita ut excommunicationis censura irretirentur ob quodlibet actum iurisdictionis; privavit dictas sorores sacra eucharistia, donec mandata implerentur, oneravitque praedi- ctas personas omnibus processus expensis.

Pater Garcia, qui utpote excommunicatus vitandus re- legatis fuerat in Monasterium Mercedis, rependit multam 527 libellarum, sed libellas 6000, summam multarum inflictarum, rependere non valuit. Superiorissam quae auctoritatem suam exercere prosequuta est, excommunicationem incurrisse decla- ratum fuit.

Ut tandem terminus huic rerum conditioni imponeretur, Acta, Tom. XXVI. fase. CCCVII. 28