HABANEN. 437

lida retinenda sit. Quod autem ob res intrinsece leves, adiun- ctorum concursu tamen graves effectas, censurae infligi pos- sint, auctor est Benedictus XIV De Synod. Dioec. lib. 7 cap. 46 n. 1. « Verum contingere potest; ut res quae in se spectata levis esse videtur, gravis tamen appareat si cir- cumstantiae perpendantur, quibus circumvestitur . . . . In hoc autem rerum eventu . . . licebit profecto etiam censu- rarum ense illum praecidere ».

Verum, nedum intrinsece considerata, valida fuit sen- tentia, sed etiam extrinsece, eoquod iudex formiter processit. Et re quidem vera ad interminandam censuram triplex re- quiritur monitio ; quod factum fuisse ex actibus constat ; nam Vicarius generalis citavit patrem Garciam, quem omnimode et pluries excitavit, ut punire t delictum notorium, probatum per tabellionis actum, quodque tale fuit ut frustraneam red- deret quamlibet defensionem. Concessit etiam amplam facul- tatem sua pro tuendi iura, ferque monuit de censura incur- renda.

Ut plenius evinceretur, Curiam maximam adhibuisse di- ligentiam procedendo adversus patrem Garciam, adiecit de- fensor, doctores omnes unanimes esse in hoc, ut Praelatus, quando agitur de accepta iniuria, possit eam punire censuris, nullo iuris ordine servato, etiam sine ulla scripturae ne- cessitate et oretenus - De Luca adnot. ad S. Conc. Trid. disc. 43 n. 4.

Punire illico potest, locum non relinquendo ad appella- tionem, tantum remittendo censuram quatenus abstineatur ab iniuria; De Luca Miscel. disc. 15 in fine. Quod si ali- qua adhibeatur figura iudicii, et talem irrogando censuram, nonnullam omiserit solemnitatem, tunc utile per inutile non vitiatur; De Luca de iurisd. 46 n. *26.

Quoad S. Lazari Superiorissam edicitur, excommunica- tioni subiectam fuisse, quia etsi formiter praemonita, egit contra decretum episcopale, cui censura adnexa erat. Quod vero ad alias poenas attinet, Vicarius generalis stricte, ait defensor, secutus est Tridentinum Sess. 25 cap. 14. Neque