452 MELEVITANA

qui iam a die 6 Maii 1888 defunctus fuit, fratrem extitisse Margaritae Grech matris Iosephi Attard atque huic proinde secundo consanguinitatis gradu de vinctum esse.

Labente mense Novembri anni 1887 ad S. C. C. remissae fuerunt preces Iudithae Azzopardi, Supremo Principi oblatae, in quibus oratrix expetebat declarationem nullitatis sui ma- trimonii, ob impedimentum dirimens, cuius dispensatio, ab Apostolica Sede neque petita, neque concessa unquam fuerat.

Statim preces remissae fuerunt administratori apostolico Melevitano pro informatione et voto, audito viro. Ast res diu haesit neque responsum habitum est ante diem 12 De- cembris 1890, cum novus Antistes Melitensis haec Emo Praefecto referebat : veras esse preces et per plures testes probatum fuisse, oratricem revera copulam carnalem perfectam habuisse cum fratre matris sui mariti : ex qua coniuges fie- bant affines in secundo gradu ob illicitam copulam.

Die 21 Ianuarii 1891 rescriptum fuit: « Episcopo, qui conficere curaret processum super asserto nullitatis capite, servata forma Constitutionis Benedicti XIV - Dei Misera- tione etc. » Quae iussa faciens Praesul, die 27 Aprilis eius- dem anni deputavit matrimonii defensorem eiusque iuramen- tum de suo munere fideliter obeundo die 4 insequentis Maii excepit. Haud bene ex actis liquet, num iuxta formam a iure requisitam institutum et peractum fuerit iudicium : deest enim accurata sessionum descriptio, quae a cancellario in si- milibus processibus exarari solet. Videtur mulier pluries in iudicio una cum procuratore suo sisti tisse, quae in libello exposuerat confirmans : ast non apparet, eam fuisse rite in- terrogatami, nec de emisso iuramento occurrit verbum. Vir, licet citatus, comparere renuit, ac proinde contumax decla- ratus fuit. Verum Matrimonii defensor excipiendam censuit declarationem ab eo in Curia emissam die 25 Octobris 1890, quae ita actibus inserta est. Verumtamen cum in fine pro- cessus refertur petitio mulieris pro obtinenda declaratione matrimonii ab eius patrono exhibita, haec verba in calce in- veniuntur a cancellario subscripta: « Die 17 Octobris 1891.