454 MELEVITANI

latis apostolicam dispensationem interfuisse. Quae omnia ada- mussim ex actis processualibus breviter demonstrant ur. Et revera documenta in processu allata, ex libris parochialibus baptismatum et matrimoniorum deprompta, evidenter demon- strant, Antonium Grech verum esse germanum fratrem ge- nitricis Iosephi Attard, et consequenter ex parte matris vere esse nepotem Antonii Grech ; ideoque veram cognationem in secundo gradu lineae lateralis inter primum et secundum in- terfuisse manifestum est. Cognatio siquidem communiter a Theologis et Canonistis ex S. Thoma in 4. dist. 40 art. 1 definitur : « Vinculum personarum ab eodem stipite proximo per carnalem generationem descendentium, quod scilicet exur- git ex unitate et participatione eiusdem sanguinis. »

Cognatio autem, seu consanguinitas matrimonium diri- mit usque ad quartum gradum inclusive, ad quem gradum dictum impedimentum restrictum fuit in Concilio Lateranensi quarto sub Innocentio III, ut constat ex Cap. Non debet 8, De consanguin, et affinit. his verbis : « Prohibitio quoque copulae coniugalis quartum consanguinitatis et affinitatis gradum non excedat, quoniam in ulterius gradibus iam non potest absque gravi dispendio huiusmodi prohibitio generaliter observari. » Affinitas vero, quatenus matrimonium dirimit, est « propinquitas porsonarum quarumdam, orta ex copula carnali completa, sive licita, sive illicita. Fundamentum habet in eo quod duo fiunt una caro ; et sic unus consanguineos alte- rius tangere censetur: et ideo affinitatem, sicut et consangui- nitatem contrahunt etiam infideles, qui ad fidem conversi cum tali impedimento coniungi non possunt sine dispensatione. Dixi propinquitas quarundam personarum, quia haec propinquitas ' oritur tantum inter consanguineos viri qui cognovit mulierem, ac mulierem ipsam ; ut in casu nostro inter sponsam Iose- phi Attard, et consanguineos avunculi ipsius sponsi, scili- cet Antonii Grech, qui carnale commercium et prolem ha- buit cum Iuditha, postea in matrimonium tradita ab eodem Antonio Grech ipsius nepoti Iosepho Attard, nulla obtempta dispensatione. Oritur etiam affinitas inter consanguineos mu-