458 MELEVITANA

dendis, et declaramus , matrimonium initum die 9 Ianua- rii 1876 in parochiali ecclesia Terrae Musta inter Iosephum Attard, et Iudith Azzopardi nullum, ac irritum, omnino esse ». Praedictam sententiam ex superius hucusque relatis mihi confirmandam esse videtur, et ideo SSmo consulendum esse puto pro declaratione nullitatis in casu. Eo vel magis quod graves etiam rationes id expostulare videntur; nempe 1. singularis animorum alienatio: 2. utriusque coniugis spi- ritualis utilitas: 3. moralis impossibilitas eosdem coniuges cogendi ad apostolicam dispensationem acceptandam. Haec omnia Summi Pontifices ab antiquis temporibus serio per- pendentes, pro gratia indulserunt ad proximi bonum spiri- tuale et temporale procurandum. Quapropter ad rem Coscius, lib. 3, De separat, tori, c. 2, n. 106, ait : « Munus enim Summi Pontificis esse huiusmodi remedio providendi coniu- gum quieti et saluti tum temporali, auferendi peccatorum occasionem, et animarum fidelium periculis occurrendi. »

VOTUM CANONISTAE. Causa matrimonialis mihi proposita, ait consultor, aut nullam aut levem praesefert difficultatem. Nec ulla fuisset eam proponendi ratio, nisi matrimonialis vin- culi vindex, ab Episcopo designatus, cum nullum occurreret argumentum, quo validitatem coniugii defenderet, ad S. Se- dem appellavisset. Quamobrem censeo matrimonium hoc fuisse invalidum ab initio, nullumque esse locum eius revalidationi.

Expedit primo loco, unicam obiectionem diluere, quam ex actis huius causae eruere potui, ait Consultor. Unicam dico, quia matrimonialis vinculi vindex non aliam invenit, nec poterat invenire. Affirmat validum fuisse coniugium, licet praecesserit illicita copula, eo quia contractum est bona fide, et impedimenti dirimentis, ex parte contrahentium, nulla suspicio erat, nullaque dubitatio. Miror autem curnam huic argumento satis infirmo addere praetermiserit, impedimentum affinitatis ex illicita copula ecclesiastico iure esse sancitum, proindeque vim suam amittere apud eos qui illud ignorant. Sed noluit ille huic argumento insistere, et satius duxit ap- pellationem interponere ad apostolicam Sedem, ut re melius