464 MELEVITAN A

D u b i u m

An sententia Episcopi Melevitani die 24 Octobris 1891 sit confirmanda vel infirmanda in casu.

RESOLUTIO. Sacra Congr. Concilii, re disceptata sub die 9 Septembris 1893, censuit respondere: Praevia sanatione actorum, sententiam esse confirmandam.

CIVITAS CASTELLI

DISPENSATIONIS MATRIMONII

Die 9 Septembris 1893. Sess. 24 cap. 5 De reform, matr.

COMPENDIUM FACTI. Vix attigerat 17 aetatis annum Ma- thildes Tomassini, quum die 7 Iunii 1886 in Cathedrali Ba- silica Civitatis Castelli iuxta ritum S. R. E. laeta nupsit Decio Tocchi perusino. Mutuus coniugum amor et concors eorum indoles faustum huius matrimonii exitum ominabantur; sed contra accidit. Mulier enim, ut ipsa asseverat, post prima consummationis matrimonii tentarnina, per duos continuos menses inutiliter repetita, animi aversionem concipere coepit erga virum suum, quem ad coniugii opus impotentem sem- per sentiebat. Cum eo tamen cohabitare perrexit usque ad diem 18 Septembris- 1888, qua, maritale relinquens domici- lium, apud patrem Tiferni commorantem se contulit. Adivit deinde civile tribunal, et coram eo, viri impotentiam accu- sans, pro perpetua institit separatione.

Vir autem, qui aegro prorsus tulerat animo mulieris dis- cessum, nihilque iam praeter miserat ut eam ad cohabitatio- nem restaurandam induceret, totis nervis praefatae iudiciali petitioni restitit coram eodem tribunali, quod inspectionem quoque sui corporis decreverat et tres ad hoc peritos desi- gnaverit . Per annum ferme dimicavit ; sed tandem uxoris petitioni consensit, quibusdam cum ea prius concordatis con-