468 CIVITAS CASTELLI

Tandem ex incontinentiae periculo postremam deducit causam, cum actrix iudici ingenue dixerit, se dispensationem quaerere ad vitanda incontinentiae pericula.

ANIMADVERSIONES ADSERTORES SACRI VINCULI. Sacramenti Vindex e contra sustinet quod praesens matrimonium, vel ita firmum est, ut nulla prorsus hominum potestate infir- mari possit, vel ita radicitus nullum atque irritum, ut non dispensationis ope, sed declaratione nullitatis prospici possit et debeat. Nemo namque ignorat dispensationis gratiam in- ter extraordinaria, declarationem vero nullitatis inter ordi- naria iuris remedia recenseri. Vukatissimum est autem ex- traordinariis remediis locum non esse usque dum ordinaria remedia suppetunt.

Iamvero, prosequitur Vinculi Defensor, Mathildes et De- cius, ambo iuventute florentes, mutuo flagrantes amore ma- trimonium inierunt, duobus annis et quatuor mensibus eodem in lecto cubarunt, coniugali genio pro viribus indulgentes. Quapropter, aut matrimonium consummarunt, aut Decius inertia virium reapse laborat. Quae inertia dubio procul per- petua foret, quia nemo unus ex testibus Decium in virum moribus pessundatum aut temporaneo aliquo morbo affectum dicit : imo nitide actrix censet naturalem esse impotentiam ; cui concinunt Mathildis frater et pater.

Tametsi de dispensatione pro re nata agi nequit, urget Ora- tor, vel quia iudiciales tabulae Tiferni confectae sunt, cum e converso Perusiae confici debeant. Porro Decius Perusiae natus, Perusiae lares habet. Uxor vero sortitur forum mariti, actrix forum rei. Quinimo cordatus quisque videt quam absurdum sit inquisitione Tiferni peragere, cum cardo, circa quem tota vertitur controversia, sit Decius, qui vir in aetate triginta annorum iam constitutus, quid valeat in opere maritali, etiam saxa Perusiae cognoscunt, dum Tiferni non nisi angelici spi- ritus id scire queunt.

His etiam praetermissis, argumenta quibus actrix inni- titur, levissima esse ait. Quod attinet enim ad ipsius Ma- thildis confessionem allegat Sánchez De matrim, lib. 2, dis-