CIVITAS CASTELLI 469

(1) Relata fuit Volumine hoc pag. 321.

put. 45, num. 33 - ibi - « Confessio ea, cum sit in confiten- tis favorem, nihil probat. » Quo vero ad Decium, in proba- tis minime esse ait , illum matrimonii inconsummationem confessum esse. In primis namque duas Decii epistolas, quas actrix edit, non constat esse genuinas. Deinde, si in eis ad- mittitur, Decium plene non satisfecisse Mathildi, minime ex- inde consequitur matrimonium haud consummasse.

Quod concernit praeterea testimonium septimae manus, animadvertit omnes ex latere viri testes desiderari, ac de- inde urget*' Instruct. S. C. C. an. 1840, in qua legitur: « Pro- cedendum erit ad examen septimae manus, hoc est septem propinquorum ex utroque latere ad formam textus in cap. Litterae Vestrae, de frigid, et male f. ». Cui concinit Sán- chez De matrim, lib. 7, disput. 108, num. 11 - ibi - « Iura- mentum autem hoc septimae manus propinquorum sic acci- piendum est: ut si uterque coniux fateatur impedimentum cuiuslibet coniugis septem consanguinei iurent; vel eis defi- cientibus septem vicini cuiuslibet ; et ita debent esse quatuor- decim ».

Nullo insuper in pretio habet specimen a duobus salu- taris artis peritis, Gurrieri et Fabbri, in Mathildis corpore peractum, quia, aliis missis, medicum Gurrieri haud censet a studio partis immunem, quippe qui absque ullo iudicis im- perio corpus Mathildis iam exploraverat et animi sui sensa pandiderat. Medentes demum, Gurrieri et Fabbri, adeo in- complete corpus Mathildis explorasse ait Defensor, ut ipsi decipi facillime potuerint, quemadmodum animadvertit in Ne- mausen. dispensationis matrim. §. 6 et seqq. (1).

Post haec de dispensandi causis disserit Orator , easque nedum ad liceitatem, verum etiam ad validitatem, iustas ac gravissimas esse oportere concludit, allegans Leurenium for. eccles, lib. 4, q. 277. Porro in themate, prosequitur ipse, si qua suppetit dispensandi causa, ea una es t , scilicet asserta viri impotentia.