MEDIOLANEN. 471

perficere valuerunt. Unde, priusquam annus a celebratione matrimonii elapsus fuisset, Adelais ad propriam domum re- versa est, atque statim, consentiente imo impellente viro, penes laicum tribunal agere coepit, ut matrimonium, attenta viri impotentia, nullum declararetur. Civilis vero auctoritas, habita iurata relatione trium peritorum, quos ad corpus An- tonii Belloni explorandum designaverat, illius impotentiam absolutam, antecedentem et perpetuam admisit, ac sententiam mulieris petitioni omnino faventem, die 19 Iunii 1891 edidit.

Bimestre elapso, idest die 25 Augusti 1891 , mulier actionem nullitatis matrimonii ex capite impotentiae viri etiam coram Mediolanensi Curia instituit.

Tribunali rite constituto, acta initium sumpserunt die 12 Septembris 1891. At difficultatibus occurrens Rmus Ar- chiepiscopus iterum atque iterum ad Supremum Principem, quo sospite laetamur, recursum habuit, ut dispensationem a quibusdam non essentialibus processus solemnitatibus, quae prudenter servari non possent attentis temporum et locorum circumstantiis, obtineret; atque die 2 Maii 1892 Rescriptum obtinuit, quo « SSmus, attentis omnibus, benigne annuit, ut inspectio corporalis mulieris fiat absque accessu tribunalis ad domum examinis, sub lege tamen, ut tum obstetrices, tum matrona, tum medici statim ab inspectione scriptam relatio- nem redigant et iudici tradant: quo vero ad peritiam viri pro gratia ut in processu ecclesiastico adhiberi valeant me- dicorum testimonia edita in iudicio civili, cum dispensatione a nova inspectione, aut cum inspectione unius tantum novi medici, quatenus aliter fieri nequeat, adscitis tamen, si pos- sibile sit, coram ecclesiastico iudice peritis a tribunali civili deputatis, ut iureiurando affirment praecedentia testimonia: quo denique ad testium numerum pro gratia iuxta petita ».

Ad huius Rescripti tramitem mediolanense tribunal cu- ravit , ut viri corpus a medico inspiceretur, qui in scripta relatione et in iudiciali examine sententiam suam aperuit ; et suffragia a tribus peritis penes laicum tribunal emissa et in ecclesiastico iudicio assumerentur et comprobarentur. Mu-