MEDIOLANEN. 475

matrimonium inter Antonium Belloni et Adelaidem Rivolta, ex archidioecesi Mediolanensi videtur.

Impotentia, sicuti quisque novit, est inhabilitas ad co- pulam generativam exercendam, quae si in uno coniuge exi- stat antecedenter et insanabiliter, impedimentum est dirimens, quod si patenter et certe probatum fuerit, matrimonium iure naturae, humano et divino, nullum erit et invalidum, si- quidem impotentia e diametro opponitur matrimonio, cuius finis essentialis est generatio prolis.

In praesenti casu de impotentia Antonii Belloni constare videtur: I o . ex confessione coniugum, 2°. ex Testium depo- sitionibus, 3°. ex iudicio Peritorum. Omnes isti sub iuramenti religione in iudiciali processu vocati fuerunt.

Primus comparuit Antonius Belloni. Praenotandum vero Antonium Belloni virum esse subrusticum, amico di Bacco, uti dixit, ad foeminas parum aut nihil inclinatum: vel iu- venis , vel adultus semper erga feminas indifferentissime se gessit, ita ut intimiores cum eis contactus neque membri erectionem, neque delectabiles sensationes in eo excitarent, sicut medico De Vincenti confessus est ; quod quidem frigi- ditatem aperte manifestat, ideoque se magis vinum, quam feminas diligere haud difficulter affirmavit. Ex his , ceu scite observant medici, haec aversio a feminis coitum carna- lem potest retardare et impedire. Ipse vero interrogatus quare a sponsa seipsum subtraxerit, sine haesitatione respondit propter meam impotentiam ad actum coniugalem ; quam re- sponsionem aliis quoque rationibus confirmat. Sed apertius cum medico Annovazzi loquitur de sua impotentia, quam confessionem omitto, ne sim castis auribus importunus: haec sufficere videntur : nam etiam sponsa perfecte convenit cum dictis a sponso, neque ulla inter eos reperitur contradictio aut collusionis suspicio.

Post Antonium vocata est Adelais Rivolta, quae eadem ac sponsus retulit circa copulam saepe tentatam, sed frustra et inaniter, cum vir nec semen emittere, nec membrum eri- gere valeret: ideo se adhuc virginem esse affirmavit. Addit