MEDIOLANEN. 477

inhabilitatis originem omnino habuisse, et ad rudes vexatio- nes erga sponsam impulisse.

Alii vero Testes de fama deposuerunt; in primis loci Parochus, qui testatur in eo oppidulo universaliter retineri pro certo coniugii dissolutionem a civili Tribunali ex capite impotentiae fuisse pronunciatam, et modo postulari a S. Sede, sacramenti, quod nullum fuit, ex eodem motivo dissolutionem. Ita ferme omnes, qui testantur se credere coniuges veritatem dicere.

His cumulative perpensis, si iuxta allegata et probata est iudicandum, per coniugum confessionem, testiumque de- positiones et famam inde enatam moralis certitudo haberi vi- detur de impotentia Antonii Belloni, et inde matrimonium cum impedimento dirimente fuisse contractum. Sed non solum moraliter, sed physice quoque propositio probatur, videlicet ex Peritorum iudicio.

Supra admonuimus Medicorum suffragia a civili Tribu- nali imperata etiam in hoc sacro foro fuisse admissa, et pro- cessui adnexa. Tres in arte medica Periti indolem Antonii, corpus et praecipue partes genitales diligenter examinarunt, easque non naturaliter conformatas repererunt, sed vitio in- sanabili infectas esse, et ad generationem absolute ineptas iudicarunt; quae inhabilitas cum sit a natura, est etiam an- tecedens et perpetua. Huic iudicio confovet quoque, sicuti iidem observant medici, Antonii aversio quaedam connaturalis a commercio venereo et a quibusvis venereis rebus. Ita tres medici Annovazzi, De Vincenti et Sighicetti iurati senserunt in foro civili, ex quo prodiit dissolutionis sententia.

Sed prudentissime Iudex ecclesiasticus istorum suffragia alteri Perito medico B. Nardi examinanda commisit. Is vero interrogatus an id praestiterit respondit : inspexisse diligenter et exacte corpus Antonii Belloni, et de venisse ad conclusio- nem, scilicet ipsum ex vitio et imperfectione organica par- tium genitalium esse. omnino impotentem ad actum matri- monialem, quae omnia iuramento confirmavit.

Ex his itaque, breviter equidem, enucleatis colligi posse