478 MEDIOLANEN.

iudico, matrimonium inter Antonium Belloni et Adelaidem Rivolta nullum esse et invalidum, cum contractum fuerit cum impedimento dirimenti impotentiae antecedentis in viro, quam confessio coniugum, testium depositiones et Peritorum medicorum iudicia, luculenter, ni fallor, moraliter et phy- sice comprobant.

Neque quis obiiciat omissam fuisse corporalem de femi- nae integritate inspectionem : evidenter enim demonstrata viri impotentia, superflua inspectio ista visa est, et aliunde ad probandam feminae integritatem novimus sufficere iuratam coniugum confessionem cum septima manu propinquorum coniunctam absque physica exploratione sicuti admissum fuit ab hac S. Congregatione. Cf. Acta S. Sedis in Tarnovien. vol. XVIII, 242.

ANIMADVERSIONES DEFENSORIS MATRIMONII EX OFFICIO. La-

bente anno 1889 septembris die 12 Adelais Rivolta, in ae- tate annorum 19 constituta, matrimonium contraxit cum Antonio Belloni 27 annos nato.

Novi coniuges posteaquam per annum una simul coha- bitaverant atque coniugali genio plus semel operam dederant, ex communi consensu dissociati sunt, ad opus maritale viro seipsum proclamante ineptum.

Hoc tamen in probatis minime est. Porro Claudius An- novazzi , scientia medica bene doctus, unus ex quatuor pe- ritis qui Antonii corpus recognoverunt, re mature perpensa, concludit :

Potestne peritus autumare cum iuramento ex peractis inspectionibus, Antonium Belloni affici impotentia genitali manifesta? Et quatenus id verum sit, peritus poterit ne as- serere impotentiam viri matrimonium praecedere, insanabilem esse, ideoque perpetuam ? Dico, prosequitur peritus, me ne- gare nequire, Antonium impotentia affici ; ast neque possum asserere eiusmodi impotentiam esse manifestam. Scientia ne- quit eam evidentem asserere. Concludit peritus, casum An- tonii Belloni exhibere quidem magnae probabilitatis funda- mentum, ast eam non esse, quae autumari queat tuta con-