MEDIOLANEN. 479

scientia cum iuramento. Tandem neque negari potest maxima probabilitas huius impotentiae, quin offendantur scientiae po- stulata.

Neque me movent tres alii medici cognitores qui de An- tonii impotentia securos se exhibent. Ii namque eatenus ab archiatro Annovazzi dissentiunt, quatenus in pretio habent, quemadmodum ex prolixa eorundem relatione oppido patet, ipsiusmet Antonii narrationes quae fabulosae, ad utilitatem causae excogitatae esse possunt.

Nullius ferme momenti est testimonium septimae ma- nus. Nam nemo unus ante matrimonii celebrationem, ante dissociationem vitae coniugalis, tempore non suspecto, ab Antonio vel ab aliis quidquam audivit, ex quo decantatam Antonii genitalium virium inertiam recte coniectare liceat. Imo quamvis non ultimum septimae manus officium sit te- stari de fide, quae coniugibus adiici debeat, iudex nescio quam ob causam testes hac de re percontatus minime est.

Eapropter ipsam coniugum confessionem fiocci facio: quia praeprimis illorum religionem et honestatem prouti de iure testatam non video ; deinde, quia matrimonium dissolvi ambo cupientes, ex impotentiae confessione commodum reportant. Ad rem Sánchez De matrim, lib. 2, disput. 45, n. 33 : (ibi) Confessio ea cum sit in CONFITENTIUM FAVOREM NIHIL PROBAT.

Explorata Adelaidis physica virginitas viam forsan ad dispensationem super matrimonio rato sternere posset : at hanc provinciam actorum moderator ingressus non est, etsi S. C. C. id praescripserit, nec mulier absolute renuerit.

Quae cum ita se habeant, haud interiecta mora, ad in- scriptum dubium « An constet de matrimonii nullitate in casu » responsum submisse postulo « NEGATIVE » .

Hisce aliisque adductis, propositum fuit diluendum

D u b i u m

An constet de 'matrimonii nullitate in casu. RESOLUTIO. Sacra Congr. Concilii, re disceptata sub die

Hi Decembris 1893, censuit respondere: Son satis constare.