484 PLATIEN.

dubio: An aper tentiam sit ostium Cuppeìlae iri via publica, vel potius removendae sint valvae I impedientes ingressum in atrium, responsum prodiit : Negative.

At ex adverso recolendum est quod, ut oratorium aliquod publicum dici possit, omnino requiritur quod illius aditus li- ber et publicus sit, et S. C, ut adamussim haec conditio semper servetur, in more est praescribere, ut aream ante oratoria, in palatiis privatis extructa, in commodum publicum cedere teneantur possessores, ceu videre est in Savon en. 28 Iulii 1724; in N t trien. 12 Februarii 1735 ; in Nullius diei 13 Ianuarii 1620 etc. At in themate contrarium eve- nire videtur, cum coemeteriorum ingressus minime liber sit et semper prohiberi possit ab auctoritate municipali.

Praeterea si cappella© istae oratoria publica declararentur grave exinde spirituale detrimentum fidelibus iuribusque pa- rochialibus obveniret, qui audiendo sacrum diebus festis in oratoriis huiuscemodi frequentissimis carerent verbo Dei et catechismo, ignorarent vigilias et festivitates de praecepto etc. uti late ponderant card. Petra ad Constit. Apostolicae Pa- schalis IL tom. 1, n. 69; et Monacelli in formul, tom. 2, pag. 52, n. 32.

Neque aspernenda sunt quae Revmus Praesul in suis lit- teris habet: generaliter coemeteria apud quae sunt Oratoria, debitis careret divisionibus ad mentem SS. Canonum, ita ut sepeliantur insimul catholici, acatholici atque impoenitentes.

Me non latet ex huiusmodi sepultum oratoria minime canonice polluta manere, quia hoc in can. 27 De consecr. dist. 1 non legitur, et sumus in materia mere positiva, ni- hilominus 'moraliter, ut ita dicam, polluuntur, et horror in piorum animo excitatur.

Tandem commemorare oportet in Urbe consuetudinem vigere concedendi a R. Pontifice facultatem, multis limita- tionibus coarctatam, missas celebrandi in capellis, in coeme- terio existentibus, minime vero pro publicis oratoriis haben- tur ; sicque omnia incommoda et abusus impediuntur, et re- ligioni ac pietati fidelium consulitur.