MELITEN. 491

et unitim incedendi cum Religiosis sub eorum cruce, Tertiarii propugnant hoc privilegium sibi competere ex duplici capite 1. quia hoc ius sibi concessum est a Bulla f. r. Bened. XIII Poterna Sedis; 2. quia id congruit Decreto 28 Martii 1860 in quo P. Custos Provincialis Melitensis concessit sodalitio facultatem deferendi habitum ex tela confectum eiusdem formae et coloris ac habitum Religiosorum.

Sane quoad Tertiarios in Sodalitium constitutos ita dis- ponitur in § X praefatae Bullae « Volumus proinde ut Tertiarii ipsi sub proprio tecto viventes, in omnibus se prae- beant huius saeculi contemptores atque eorum exemplo ceteri alliciantur et ad humilitatem incitentur et sub propria Cruce Fratrum Minorum ad publicas processiones et ad associanda cadavera aliasque ecclesiasticas functiones se conferre et sub proprio habitu per Ordinis Constitutiones designato incedere valeant ac possint, tenore praesentium concedimus ac largimur. Idipsum clare scatet ex supra relato Decreto in quo P. Provin- cialis concedit Tertiariis facultatem deferendi habitum ex tela, similem habito religiosorum eoque « utendi in omnibus eorum functionibus internis imo etiam in externis, dummodo una cum Religiosis ac sub eorum Cruce incedant et non aliter ».

Hinc super huiusmodi controversia rogatus Episcopus Me- litensis iure merito favorabilem emisit opinionem pro Ter- tiariis edicens, quod eorum petitio iustitia fulciatur. Obiectioni vero ex adverso adductae quod de nova agatur introduc3nda consuetudine, cui Religiosi se obstringere nolunt, aut quod Tertiarii spiritu partis aut rebellione ducantur, Tertiarii re- spondent quod in ipsorum animo est tantum vindicare iura et privilegia sibi concessa ab apostolica Bulla et ab ipso Primo Ordine per relatum decretum. Ex adductis pariter con- sequitur non sustineri dispositionem 20 Iulii 1890 P. Com- missarii Visitatoris generalis in qua, ipse putans nullam esse legem (piae eo y at Primum et Tertium Ordinem incedere sub eadem Cruce, statuit quod in publicis processionibus Re- ligiosi et Tertiarii separatim incedere debeant sub proprio distincto vexillo.