494 MELITEN.

rit a legitima auctoritate non videtur posse ambigi, si ex- penda tu r diversae Romanorum Pontificum Constitutiones et praesertim Const. Misericors Dei Filius regnantis Pontificis sub die 30 Maii 1893. Ex his enim et praesertim ex Const. Misericors Dei Filius cap. IV eruitur, quod erectio sodalitii Tertiariorum pendet a Religiosis Primi Ordinis, et quod Con- fratres erecti Sodalitii subiacere debent Religioso Franciscano nuncupato Visitatore, cui obnoxii sunt 'quoad Regulae ob- servantiam, quoad coetus intra annnum habendos, et quoad punitionem si qui forte sint inter Tertiarios poena plectendi. Quin imo Superiores Religiosi facultatem habent a Sodalitio expellendi Confratres Tertiarios post secundam et tertiam monitionem adhuc contumaces. Ita in § 4 citat. Cap. « So- dales nec obedientes et noxii iterum et tertio admoneantur officii sui : ni pareant, excedere Ordine iubeantur ». Exinde, concludunt Religiosi, indubie patet quod P. Ministro Gene- rali inest etiam facultas dissolvendi Sodalitia ob iustas ta- men causas.

Quod autem hae iustae causae adfuerint in themate ar- guitur nedum ex pluribus recursibus Superiorum Ordinis, qui dicunt se impotes esse ad coercendam nonnullorum Tertia- riorum rebellionem erga Primum Ordinem, sed etiam ex li- teris P. Ministri Generalis datis sub die 27 Septembris 1890 ad Emum Praefectum S. Congregationis. In his P. Gene- ralis conqueritur quod inter Tertiarios Franciscales Melitenses nonnulli adsint et quod peius est, etiam Officiales Sodalitii, qui non ducuntur spiritu Ordinis Seraphici , sed a quatuor annis in aperta sunt oppositione cum Superioribus Religiosis. Horum Officialium ductu Tertiarii, etsi nonnulli dissidium improbent, rebellionem excitant et se exhibent erga Religiosos pertinaces, rebelles et incorrigibiles: quae discordia dum mi- nuit decus Primi Ordinis, ponit etiam scandalum apud fideles. Cum itaque iuxta allegata de causis liquido constet ad dis- solvendum Sodalitium Tertiariorum Melitensium, controver- sum decretum uti validum habendum est et in suo pleno ro- bore manutenendum.