MELITEN. 495

At in damnata hypothesi quod ipsum non sustineatur, Religiosi inficiantur Tertiariis ius incedendi una cum ipsis sub Cruce Primi Ordinis in publicis processionibus et spe- ciatim Corporis Christi quae haberi solet in Collegiata Ec- clesia S. Pauli Naufragi, et potissimum ob duas rationes : 1. quia sic nova inoleret consuetudo, cui Religiosi nullimode se adstringere volunt; 2. quia Tertiarii spectari non possunt ceu pars Communitatis religiosae : si enim ita res esset, tunc Tertiarii adesse deberent non solum praefatae processioni, sed etiam aliis omnibus, et maxime synodalibus.

Incassum vero iuxta Religiosos Tertiarii deducunt suum praetensum ius ex decreto an. 1860: 1. quia ibi non agitur de publicis processionibus sed tantum de internis et de illis dictis de poenitentia; 2. quia etiamsi intelligendum esset de processionibus externis seu publicis, haec facultas esset re- vocabilis ab eadem auctoritate quae decretum emanavit. Hinc P. Generalis, praemisso quod Tertiarii in vindicandis eorum praetensis iuribus non spiritu devotionis, sed aemulatione et rebellione ducuntur, cum a 29 annis ex quo proprium ha- bitum induerunt, numquam publicis processionibus adfueruut, concludit praesentem controversiam dirimendam esse sequenti responso, nempe 'Tertiarios Franciscales non habere ius in- teressendi publicis processionibus sub cruce Fratrum Mi- norum, sed tantum sub cruce propria: idque sive alii or- dines interveniant, sive non : apertioribus verbis Tertiarii Melitenses vel se abstinere debent ab interventu in publicis processionibus, vel si interesse eis cupiunt, incedere debent sub proprio vexillo et locum servare sibi a privilegiis Tertii Ordinis tributum.

Deinde Religiosi progredientes ad alteram quaestionem circa nempe convenientiam electionis, hac vice novorum Of- ficialium faciendae a Superioribus Ordinis, contendunt peti- tionem P. Generalis excipiendam esse benigno favore. Si- quidem agitur non de iure experiendo, sed de gratia conce- denda, ad quam concedendam satis est, ut adsint iusta et gravia motiva : haec autem in casu adesse P. Generalis plu-