APPENDIX. V. Sii

S. C. S. Officii 27 Augusti 1658. - Dubia quoad matrimonia ineunda in templis haereticis etc.

Cum in praedictarum (Belgii) Provinciarum aliquibus politica iu- beant statuta, ut catholici omnes qui matrimonia inire volent, in tem- plis haereticis coram praedicante et populo calvinistis contrahant sub hac formula sponsorum reciproca : accipio N. N. in coniugem meam coram hac sancta communitate, quaeritur : 1. An id possit permitti. - % An possint a parocho catholico coniungi in matrimonium immediate postquam contraxerint coram praedicante et populo calvinistis cum illa verborum formula coram hac sancta communitate antequam de tali synagoga haeretica pro sancta agnita poeniteant.

R. Ad 1. Negative. - Ad 2. Qui contraxerunt coram tali commu- nitate pro sancta cognita, ac denuo petunt coniungi coram parocho ca- tholico, posse et debere coniungi antequam poeniteant. Ex charitate tamen esse monendus ut interius poeniteant, et, si fieri potest, prius confiteantur, et imponatur illis aliqua suavis poenitentia salutaris. Qui vero prius contraxerunt coram parocho catholico, monendus esse ne compareant ad contrahendum coram praedicante et populo haeretico cum illa formula coram hac sancta communitate.

S. C. S. Officii 29 Novembris 1672. - Hiberniae. De consuetudine adeundi ministrum haereticum, post contractum matrimonium catholicum.

Catholici qui matrimonio iuncti sunt coram parocho ac testibus ca- tholicis, in pluribus locis (ita invaluit consuetudo) solent coram mini- stro haeretico seu protestante rursus coniungi ad evitanda gravia damna, neque potest consuetudo haec a clero corrigi. Peccantne, et quo pec- cato catholici sic denuo coniuncti coram ministro haeretico, et quomodo se gerere debeat erga illos Ordinarius loci?

R. Quatenus minister assistat matrimoniis catholicorum uti minister politicus, non peccare contrahentes; si vero assistat uti minister addi- ctus sacris, non licere, et tunc contrahentes peccare mortaliter et esse monendos.

S. C. S. Officii 9 Maii 1821. - Mission Kentucky. Dubium de matrimonio

anteponendo communioni.

Passim ad matrimonium se afferunt, qui nedum communicant ; licetne hoc Sacramentum (Matrimonii) dare antequam communicent?