5 1 2 APPENDIX V.

S. C. S. Officii 21 Februarii 1883. - Vic. Ap. Bombayen. Quoad iuramentum

massonicum in ordine ad matrimonium.

Utrum iuramentum massonicum non retractatum considerari et tra- ctari possit vel debeat ad instar impedimenti matrimonium impedientis aut etiam dirimentis; et quae cautelae exigi debeant ut matrimonium puellae catholicae cum viro franco-muratore iurato, licite aut etiam va- lide a parocho benedici possit.

R. Quod attinet ad matrimonium, in quo una contrahentium pars clandestinis aggregationibus notorie adhaeret, donec Apostolica Sedes generale decretum hac in re non ediderit, oportet ut Pastores caute et prudenter se gerant, et debent potius in casibus particularibus ea sta- tuere, quae magis in Domino expedire iudicaverint, quam generali re- gula aliquid decernere. Omnino vero excludatur celebratio Sacrificii Missae, nisi quando gravia adiuncta aliter exigant.

Communiter accidit quod, post contractum matrimonium, ad vomitum redeant cunctaque negligant.

R. Animarum pastores totis viribus in id incumbere debent, ut nupturi rite in catholicae doctrinae rudimentis sint instructi, peccata sacramentaliter confiteri, sacraeque mensae accedere consueverint, atque curare ut matrimonii celebrationi Sacram Communionem, purificans ani- mis perceptam, adiungant.

S. C. S. Officii 20 Decembris 1837. - Ep. Barden. (Bardstow seu Louisville).

An missionarius vel Episcopus assistere valeat matrimonio haereticorum.

Humiliter exponit quod multi protestantes, absque ulla intentione religionem catholicam amplectendi, saepe sollicitant, ut vel coram uno e suis sacerdotibus, vel coram Episcopo ipso consensum ad matrimo- nium contrahendum praestent. Notandum est quod in talibus circum- stantiis non tamquam sacerdotes, sed sicut magistratus civiles agerent Episcopus et sacerdotes, quod legibus reipublicae licitum est. Nunc quaerit utrum ipsi missionariisque suis liceat talibus praeesse matrimoniis.

R. Si agatur de matrimonio inter duas partes haereticas, licet huiusmodi interventus non ita reprobetur, ut numquam licitus esse pos- sit, communiter tamen esse dissuadendum. Si vero altera pars sit ca- tholica, obtenta dispensatione ab impedimento mixtae religionis, et ser- vatis solitis clausulis et conditionibus, licere.