520 APPENDIX V.

Decr. S. C. SS . Rit 3 Martii 1818. - Dubium quoad Missam pro sponso et sponsa.

Per generale decretum die 30 Decembris 1783 editum, et a fel. rec. Pio Papae VI confirmatum die 7 Ian. 1784, declaratum fuit, in celebratione nuptiarum quae fit extra Dominicam vel alium diem fe- stum de praecepto, seu in quo occurrat dupl. primae vel secundae classis, etiamsi fiat Officium et Missa de festo dupl. per annum sive mai. sive min. dicendam esse Missam pro sponso et sponsa in fine Missalis post alias Missas votivas specialiter assignatam ; in diebus vero Dominicis aliisque festis de praecepto ac duplicibus 1. vel 2. classis dicendam esse Missam de festo, cum commemoratione Missae pro sponso et sponsa. Verumtamen cum interea nonnulla excitata fuerint dubia circa rubri- cam in hac celebranda Missa servandam, et parochorum sensus sit va- rius, quippe quia aliqui, eidem Missae Hymnum Angelicum adiicien- dum censent, cum f. Ita Missa est in fine, alii vero etiam Simbolum Nicaenum legendum putent., ea freti ratione quod haec Missa ceu so- lemnis et pro re gravi haberi debeat; ideo ad amputandas controver- sias et dubitationes, utque ab omnibus unus idemque conveniens ritus servetur, Sacra Rituum Congregatio... re mature discussa, declaravit atque decrevit, quod firma remanente dispositione praefati decreti quoad designationem dierum, quibus Missa votiva pro sponso et sponsa cele- brari potest, eamdem esse votivam privatam, proindeque semper le- gendam sine Hymno Angelico et Symbolo Nicaeno, cum tribus ora- tionibus, prima videlicet eiusdem Missae votivae propria, ut habetur in fine Missalis, 2. et 3. diei currentis, ut in Rubrica (Tit. VII. num. 3. De Commemorai.) Benedicamus Domino in fine, et ultimo Evangelio S. Ioannis. Et ita decrevit die 28 Februarii 1818.

Facta autem... relatione Sanctissimo Dno N. Pio VII Pont. Max. Sanctitas Sua praefatum decretum approbavit, confirmavit, mandavitque praelo tradi, et publici iuris fieri.

S. C. S S . Rit. 20 April. 1822. Derthonen. - Dubia quoad Missam pro sponsis .

1. An huiusmodi Missa (pro sponso et sponsa) dici possit diebus duplicia excludentibus, ut infra octavam Epiphaniae, in vigilia Pente- costes, et infra octavam privilegiatam SS. Corporis Christi.

2. An commemoratio Missae pro sponso et sponsa, dicenda, prout ex dicto Decreto, in Missis de duplici 1. vel 2. class., dici debeat sub unica conclusione cum Oratione festi, vel sub altera conclusione?