552 CAMERACEN.

illo iudici exhibita desumptam, suspectum dicere vellet, quia nunc et ipse Alphonsus matrimonii dissolutionem a Summo Pontifice contendere videtur ; patronus responderet, prorsus idem Alphonsum affirmasse, tempore quidem non suspecto, nondum nempe dissociata coniugali consuetudine. Sane Teo- philus Tabary, Margaritae pater, magistratus vitae integri- tate praestans, quem nemo sane mendacii et periurii insimu- lare auderet testatur : Alphonsum sibi per litteras autuma- visse matrimonium non fuisse consummatum.

Ulterius, pergit defensor, coniugum confessioni mire con- gruit Margaritae corporis inspectio. Observat autem in the- mate praescriptiones canonicas adamussim servatas fuisse, et obstetrices unisona voce Margaritam integram proclamasse.

Neminem autem latet, adurget patronus, solam hymenis praesentiam gravem virginitatis praesumptionem parere etiam illis, qui in iudicio virginitatis emittendo quam maximam cautelam adhibendam esse putant. Ita Severinus Pinaeus « Cum flos virgineus (nempe hymen) integer est, virginitatis notam univocam et omnibus certissimam praebet; » cui con- cinit Devergie Med. leg. cap. III, qu. 7J Casper. Trait, prat. de med. leg. cap. 11% 1; Maschka Med. leg. voi. III: quorum assertiones brevitatis causa non referuntur.

Sed haec praesumptio plenae probationis vim adipiscitur, si praeter hymenis praesentiam, omnia alia illa signa con- currant, <ptae ad virginitatem detegendam ab auctoribus in- dicantur. Haec omnia signa obstetrices, a medicis rite edo- ctae, invenisse testatae sunt.

Quod si omnia haec argumenta reiicienda putarentur, quia in rarissimis casibus contigisse fertur, obstetrices vel medicae artis peritos in suo proferendo iudicio longe a ve- ritate aberravisse, recoli debent verba Cosci : « Infallibiles probationes in rerum natura non habemus, ne publica quidem instrumenta dum falsa esse possunt, et titi falsa quandoque evincuntur. Sed quae in iure legitimae probationes renun- t iant is in iudicio pro veritate haberi debent » de sep. thori 1. :>, r. IL