CAMERACEN. 557

curis eius augeretur animus, quam cito im prudentiae suae poenas lueret : illamque pristinam serenitatem recuperasse, simul a? a viro discessit.

Neque tribui potest Margaritae culpae flagitiosa Alphonsi vita, obsistendo viro illam ad copulam sollicitanti: nam mense ab initis nuptiis vix effluxo, Margarita ex ipsa Alphonsi con- fessione comperiit, quam turpiter ille fidem coniugalem in- frangerei, thalamumque violaret; et tunc quum Alphonsus, ut id assequeretur quod neque conviciis neque obiurgationi- bus obtinere potuerat, violentia usus fuerit, Margarita vim vi repellere coepit ; quod tamen, Margaritae ad peccatum tribui non potest, cum « frangenti fidem, fides servanda non est » Cap. 4, 5, 8 De div. tit. 19, lib. 4 Decr., et coniux innocens possit in utroque foro auctoritate propria discedere, quum de alterius adulterio constat.

Insperabile autem esse, asserit patronus, quod aliquando coniuges inter se reconcilientur. Et revera Margarita affir- mavit; id Alphonsus agnovit, quum et ipse matrimonii dis- solutionem a Summo Pontifice contendere coepit: id testes fere omnes fatentur.

Haec autem irreconciliabilis animi dissociatio iustam cau- sam ad dispensandum praebere tradunt auctores. Et reapse haec dissociatio rixas inter coniuges, inimicitias inter eorum familias, et gravissima scandala parere solet. Caietanus tom., L fr. 28; Sánchez De Sacr. matr. lib. 2, disp. 15; Corra- dus in Prax. disp. lib. 8, cap./, a. 27; Ursaya D iscept. il § 14, aliique plures, quam DD. sententiam S. C. C. praxi confirmari dicit orator.

Postrema denique causa petitur ex periculo incontinentiae, in quo mulier versatur. Spiritualem enim utilitatem petentis dispensationem, uti iustam causam retinendam docent Coscius De sep. a tit. cap. Id lib. 1, § 259; Corradus loc. cit. § 27; De Luca De matr. lib, 4, disp. 9 etc. Quod autem hoc pe- riculum in casu verificetur indubitanter patere censet patro- nus: id enim Margaritae mater asseruit, Vicarius Capitu- laris Camcracensis, parochus Lecocq, et Scalbert.