562 CAMERACEN.

cap. 13 de probat, professus est: «saepe manus ialluntur et oculi obstetricum ».

Insuper in themate praesto esse dicit defensor, argumenta specialia et gravissima, quae obstetrices iure optimo reddunt de Margaritae virginitate incertas.

Ulterius, pergit orator, recognitio corporis Margaritae peracta est septem ferme annis post dissociationem vitae con- iugalis. Iam vero nil prohibet quominus tam diuturno tem- poris intervallo argumenta violati claustri virginalis in puella aetate fiorente evanuerint. Ad rem salutaris artis peritus Bar- zellotti in op. cit. § 32: et praeiverat clarissimus Zacchias in cit. oper. quaest, medie, legal, lib. 4, tit. 2, q. 3., n. 5.

Post haec de dispensandi causis disserit Orator, et primo sustinet levitatem consensus, qua iuxta adversum patronum, actrix matrimonium contraxisset inverosimilem apparere. Non solum enim per sex, vel septem menses, ut ipsamet Marga- rita fatetur, matrimonii tractatus perdurarunt, sed praeterea familiae nupturientium antiqua consuetudine devinciebantur, omnes ad rem facientes notitiae comparatae sunt impenso studio, Margaritae voluntas secreto colloquio ab Alphonso exquisita diligentia explorata est.

Quoad secundam ex adverso allatam causam defensor animadvertit, Alphonsum Margaritam non solum haud aver- sare, sed, nullum non movisse lapidem, ut uxorem ad cohabi- tationem restaurandam adduceret. Imo gravissima mala ac etiam homicidia timenda sunt, si Margarita alias nuptias conciliare audeat; testes vero, quos Margarita inducit adpro- bandam suam aversionem in Alphonsum, sive eiusdem aver- sionis causam, nil ponunt in esse, vel quia loquuntur de fa- ctis quae ab ipsamet Margarita tempore suspecto acceperunt, vel quia, cum testimonium dicunt, studium partium produnt.

Eapropter, concludit Sacramenti vindex, causa ob quam Margarita ab Alphonso discessit et ob quam ad eum redire recusat, ea est quae a parocho Ray mundo Scalbert enuncia- tur hisce verbis : « Elle (Margarita) avait seulement un ca- ractère un peu indépendant et un peu fier. »