FANE N. 06 7

in qua filius aperte fatetur se velle perseverare in sancto proposito suscipiendi statum ecclesiasticum, licet alii ei con- traria dederint consilia.

Accedens demum Barbadoro ad tertium punctum, nempe ad defectum paupertatis in filio, advertit iniuria conditionem paupertatis in candidatis ab Episcopo exigi. Nam eam non praescribit Bulla, cum simpliciter dicat « pro duobus dictae terrae adolescentibus » absque coetuum personarum distin- ctione hinc recurrit adagium - Ubi lex non distinguit* neque nos distinguere debemus; idque fortius tenendum quia in eadem Bulla quando fundator duas dotes instituit pro puellis, expresse requisivit conditionem paupertatis : proinde si in prima institutione fundator non expressit, eam noluisse cen- sendus est. Hucusque allata, Barbadoro dicit confirmari a consuetudine quae est optima legum interpres. Sane per annos quinquaginta praefatae mansiones collatae fuerunt pluribus iuvenibus, qui certe pauperes non erant et quorum nomina referuntur in supra adducto testimonio Praesidis Con- gregationis Charitatis.

Statuta autem a S. Congregatione nullitate nomina- tionis ab Episcopo factae, Barbadoro sustinet aliis quatuor concurrentibus filium suum praeferri debere: Io quia ipse solus quaerelas movit; 2° quia filius suus alios antecellit 1 annis in Seminario, hinc prior in tempore potior in iure ; 3° quia ipse prae aliis in tenera adhuc aetate et recens in Seminarium ingressis, fimdatiorem exhibet spem ecclesiasticis ministeriis perpetuo inserviturum ; 4° sed potius argumentum quoad praelationem favore filii sui, deducit Barbadoro ex eo quod fundator Fattori instituit mansiones in Seminario, ut iisdem fruentes aliquando valerent assequi unam ex quatuor cappellanus in subsidium parochi Mondavii ab eodem fun- datore statutis : porro cum hae tenuem annuam assignatio- nem habeant libellarum 2 0 0 , facile quisque intellectu suo capit illas stabiliter obtineri non posse nisi a Cappellanis originariis e Mondavio : en ratio cur fundator voluit ut man- siones in Seminario conferrentur iuvenibus dictae terrae.