570 FANEN.

originem habens a patre nato in suburbiis seu villa, in collegium civitatis vel oppidi recipiendus est, cum per leges qui in con- tinentibus et qui ex vico, natus in suburbiis vel continenti- bus, civis idem sit ac si in civitate vel oppido natus fuisset ». Cum igitur ex relatis iuribus adolescens Storioni retineri optime possit uti civis terrae Mondavii, de validitate eius nominationis ad mansionem Fattori non videtur posse ambigi.

Quam doctrinam Episcopus dicit maius robur acquirere ex ipsis verbis Bullae, quae nullam distinctionem ponit inter natos in oppido vel in villis, et inter cives ex incolatu, sed tantum sese exprimit pro duobus- dictae terrae adolescen- tibus. Atqui ita verba esse explicanda auctrix est citata Rota in Decis. 982, n. 8 : « Quod ubi nomen civitatis seu loci est expressum in genitivo vel alio casu similis impor- tantiae, tum dispositio non restringitur ad locum praecisum civitatis, sed capit etiam suburbium Sed quando de civi- tate facta est mentio cum praepositione in excluduntur ea quae sita sunt in suburbio ».

Neque aliter sensit S. Congregatio Concilii in Lauretana Legatorum quoad participationem* pluries proposita et no- vissime sub die 27 Aprilis 1873 : inibi Clerus originarius loci vulgo Castelfidardo volebat excludere a partecipatione trium legatorum parochum Lombardi utpote non originarium dicti castri, sed tantum ibi domicilium habentem : et licet a patrono Cleri adduceretur in contrarium consuetudo imme- morialis, tamen causa cecidit. Cum igitur expressio funda- tionis Barbacesare oppidi Castelfidardo et Fattori eadem sit, eamdem resolutionem esse debere deducit Episcopus.

His in iure et in facto enucleatis Episcopus progreditur ad refutandas difficultates ex adverso. Et in primis adnotat inutili prorsus labore Barbadoro eniti excusare imperitiam filii quoad linguam latinam, id tribuendo pravae methodo do- cendi vel inscitiae magistrorum in Seminario : si hoc verum esset subdit Episcopus etiam omnes alii condiscipuli in exa- mine succubuissent ; hinc potius derivare id oportet ex in- capacitate filii : quare nil mirum est si parens sacerdos con-