EX S. CONGREGATIONE CONCILII

STRIGONIEN.

MATRIMONII

Die IO Decembr ii 1893.

Sess. "¿4 c. 5 De reform, matr.

COMPENDIUM FACTI. Sigismimdus Kubinyi cum Elisabetha Balassovich matrimonium die 10 Augusti anni 1889 in ec- clesia Budapest-Arcensis rite contraxit.

Illico post initas nuptias, neoconiuges maritalis vitae consortium aggressi sunt, at licet una simul in eodem cubili condormiverint, matrimonii tamen consummatio locum haud habuisse videtur, ob mulieris impotentiam, quam si virum audias, absolutum, antecedentem matrimonio, perpetuam et insanabilem tres medici declararunt.

Sponsi tamen cohabitare perrexerunt usque ad diem 11 Aprilis 1890, qua Elisabetha maritale relinquens domicilium apud matrem Budapestini commorantem se contulit, neque amplius ad maritales lares rediit.

Vir autem, qui aegro prorsus animo ferebat mulieris im- potentiam, et inutiliter iam tribus vicibus a parocho Buda- arcensis' provocatus et monitus fuerat ad vitam matrimonia- lem in pace et charitate restaurandam, die 19 Decembris 1890 tribunali archiepiscopali strigoniensi supplicem porrexit li- bellum, humiliter petens, ut matrimonium suum nullum ir- ritumque declararetur ex capite impotentiae, ut ad alia vota matrimonialia transire libere posset.

Curia episcopalis strigoniensis curavit ut corpus mulieris a duobus medicis inspiceretur ; qui unanimi suffragio eamdem renuntiarent virginem, non vero impotentem neque respectu viri sui. Eadem Curia sub die 19 Februarii 1892 sententiam tulit huius tenoris : « Preces actoris repelluntur, validitasque matrimonii inter partes die 10 Augusti 1889 Budapestini

Acta, Tom. XXVI. fase. CC OX. 37