LUBUNEÌS". 591

Duo ostendenda essent in casu: Io matrimonium revera consummatum non fuisse ; 2° causas adesse, quibus gratiosa dari possit dispensatio.

Nemo ibit inficias quod matrimonii inconsummationem certo ostenderet existentia virginitatis in muliere. Ad hanc indubie asserendam maxime moveor iudicio peritorum in pro- cessu Varsaviae condito amussim iuxta instructiones S. O. die 22 Aug. 1840 et speciales in epistola ad hoc contentas ad Archiepiscopum Varsavien, sub die 7 Aug. 1890. Eodem iudicio, et scrupula tolluntur, quae hac super re haberi pos- sent ex actis confectis antecedenter.

Quanti facienda sit peritorum auctoritas hisce in casibus notum est ; in primis si peritia commendabiles et probatae iidem fuerint aestimationis: quod et petiit S. Congregatio ab Archiep. Varsavien, epistola citata: tres medicos e peri- tioribus in arte suo, vitaeque it ite g ritate praestantibus. Neque dubitari potest Archiepiscopum mandato haud paruisse cum videamus catholicos peritos assumpsisse, aetate provectos, et inter eos Dnum Petrum Przewoski professorem Universitatis et scrutatorem anatomo-pathologuin a viginti et ultra annis.

Iamvero, qua firmitate post accuratissimam inspectionem iudicaverint in casu periti, Dñam Eleonoram virginitatem suam non amisisse, videre est Io ex adiunctis et verbis, quibus rem totam prosequuntur, 2° ex eo quod, omni alia postha- bita consideratione, eamdem virginitatem pro ineluctabili ar- gumento habeant matrimonii inconsummationis, 3° ex modo et rationibus, quibus contrarias retundunt animadversiones primae inspectionis.

Nescio an clarius et sapientius in re ratiocinari possit. Eadem vero intima persuasio peritorum certo certius emer- git ex eo quod praefatam virginitatem pro argumento ha- bent ineluctabili matrimonii inconsummationis in casu. Et re quidem vera testes deposuerunt quod argumentum non consummati matrimonii est status virginitatis genitalium Actricis ; et quod reus matrimonii non adimpleti in casu est procul dubio vir.