604 AQUIPENDIEN.

restituere debeant eam taxae partem ab eadem massa pro quinque minoribus praebendis exactam.

Fundat suam petitionem praecipue in dispositione Inno- centii X, capituli Fundatoris, qui de omnibus bonis dirutae civitatis castrensis, capitulo tributis ait « in unam massam redigimus » in Bulla citata. Unde Archidiaconus deducit, onera a fìsco massae imposita deberi a singulis eiusdem mas- sae praebendis in aequali parte sustineri, non diversimode uti idem fiscus peregit.

Disceptat io Synoptica .

IURA CANONICORUM. Imprimis canonici praecipuas capituli Aquipendiensis phases enarrant, postea quaestionis meritum ingressi advertunt, Innocentium X non confecisse ex bonis Castrensibus massam, canonicis communem in sensu iuris, hac in materia, sed ex cumulo horum bonorum singulis prae- bendis aliquam proventuum partem tribuisse. Revera, aiunt, Archidiacono adiudicat Pontifex 1 1 0 scuta, aliis 6 0 .

Confirmant hanc animadversionem ex sententia Episcopi Alexandri Fidelis , qui cum S. C. Congreg, an. 1 6 9 2 re- ferret de statu praebendarum capitularium quoad distribu- tiones, nulla facta distinctione inter canonicos de Massa ca- strensi, et alios qui certissime distinctas et separatas habent praebendas, ita loquitur: « In hac cathedrali ecclesia nullae adsunt distributiones quotidianae, sed archidiconus prima di- gnitas habet reditum taxatum in Bullis erectionis in annuis scutis 1 1 0 , archipresbyter in scutis 1 0 0 , poenitentiarius et theologus in scutis octoginta pro quolibet, ceterique novem canonici in scutis sexaginta pro unoquoque. » Et omnibus aequalem taxam scutorum duodecim imposuit.

Instant, non solum hunc Episcopum proximiorein tem- pori erectionis Capituli ita interpretatum fuisse mentem In- stitutoris Massae castrensis, sed ipsos canonicos huius Mas- sae, tunc temporis, eamdem mentem factis significasse. In hoc propositum allegant quemdam actum capitularem coram