624

S. D E O D A T I

DECRETI

Die 9 Martii 1894.

COMPENDIUM FACTI. Exemplum secutus Episcopi Picta- viensis, Ordinem Canonicorum Regularium Lateranensium, iampridem in Gallia eversum ob politicas vicissitudines Epi- scopus S. Deodati in suam dioecesim arcessens, ei concredidit paroecialem ecclesiam S. Apri in Mattaincourt, ubi exuviae B. Petri Fourier, Ordinis Reformatoris et Lotharingiae Apo- stoli venerantur. Ut autem omnia recte procederent inter laudatum Praesulem et Ordinis Abbatem generalem an. 1878 conventio inita fuit, confirmata a Congregatione Episcop. et Regul. decreto diei 14 Decembris eiusdem anni.

Huius conventionis vi, nova domus et paroecia S. Apri Abbatiae titulo Canonicorum Regularium decorabatur: reli- giosi habebant onus paroeciae, procurationem peregrinorum afliuentium ad sepulchrum B. Petri, et usum aedium paroe- cialium cum adnexis, ceu obtinuerant hactenus parochi. Pa- rocho autem Fladol, uti seni et emerito, titulus et emolumenta servata sunt dum spiritualis paroeciae administratio fota apud Ordinem pertransiit.

Defuncto hoc parocho, post famosa decreta contra Con- gregationes religiosas in Gallia an. 1880, Episcopus verens ne parochus regularis a Gubernio non approbaretur, de Or- dinis assensu proposuit pro ea vice tantum, ut, salvis iuribus Ordinis, Gubernio praesentaretur ceu parochus sacerdos sae- cularis , dum in foro ecclesiastico verus parochus maneret persona religiosa ab Ordine deputanda et alter ceu simplex Vicarius haberetur.

Hoc tamen temperamentum in actu tristes habuit effectus ob partam divisionem animorum in paroecianis. Novus interea successit Episcopus, qui ad exortas difficultates summovendas postulavit ab Ordine, ut sibi fas esset in posterum ad me- moratam paroeciam presbyterum saecularem cum omnibus iii-