63S

APPENDIX VI. E X H I B E N S A C T A S E D I S A P O S T . ; Q U A E A U T I A M D I U E X A R A T A S U N T

A U T Q U A E T E M P E S T I V O L A T U E R U N T E P H E M E R I D U M

M O D E R A T O R E M .

S. C. S. Officii i Septembris 1841 - De benedictione matrimoniali in communi.

Quando plures simul copulantur, accepto primum singulorum con- sensu, et rite celebratis singulis matrimoniis, dictâque pro singulis a parocho forma Ego vos coniungo in matrimonium, etc. , nihil obstat quominus benedictiones annulorum et reliquae benedictiones fiant in communi per verba generalia.

S. C. S. Officii I Septembris 1841. - De benedictione nuptiarum.

1. Licite matrimonium contractum coram parocho benedici ab alio sacerdote de consensu parochi vel Ordinarii. - 2. Quoad Missam ce- lebrandam de sponsis vel de sancto standum decreto S. R. G. die 3 Martii 1818. - 3. Sacerdotem non teneri Missam applicare pro sponsis nisi ab iisdem eleemosynam accipiat. - 4. In eadem Missa posse sa- cerdotem plures sponsos benedicere. - 5. Ab eodem sacerdote cele- brante aspergendos esse aqua benedicta sponsos ante altare genuflexus, non autem ab alio sacerdote. - 6. Non licere sponsos benedicere in Missa defunctorum, sed potius transferendam esse benedictionem ad aliam diem.

S. C. S S . Rit. 14 Augusti 1858. Montis Albani. - De benedictione nuptiarum.

1. An possit sacerdos, quum matrimonia extra Missam celebrantur, sicut in ecclesiis civitatum Montis Albani dioecesis frequenter evenit, sponsis benedictionem impertiri, et orationes recitare quae in Missali in Missa pro sponso et sponsa habentur, quaeque dicendae sunt tum post Pater noster, tum ante Placeat, quando non agitur de nuptiis, in quibus est deneganda supradicta benedictio. Et, quatenus affirmative, an teneatur.