€36 APPENDIX VI.

2. Licetne Missam pro sponso et sponsa et benedictionem ad diem proxime sequentem vel in aliam multo remotiorem differre, etsi con- iuges ante benedictionem sacerdotalem in templo suscipiendam in ea- dem domo cohabitent?

3. Utrum prohibitio nuptiarum tempore Adventus et Quadragesi- mae intelligi tantum debeat de Missa pro sponsis, ac de precibus pro nubentium benedictione in Missali positis ; an ipsum etiam attingat ma- trimonium, quod cum solis celebratur caeremoniis, et precibus quae in Rituali reperiuntur.

4. An facta per Episcopum licentia contrahendi matrimonium tem- poribus a S. Concilio Tridentino vetitis, censeatur etiam permissa be- nedictio coniugum per preces et orationes in Missa pro sponsis con- tentas. Et quatenus negative, an possit Episcopus in casu eam facul- tatem concedere.

R. Ad 1. Negative in omnibus. Ad 2. Negative in casu.

Ad 3. Affirmative ad primam 'partem; negative ad secundam, -dummodo accedat Episcopi venia.

Ad 4. Negative in omnibus.

S. C. S. Officii I Febr. 1871. Vic. Ap. Myssur. De benedictione nuptiali recipienda.

1. Utrum gentiles mulieres nuptae, vel viduae, vel notorie cor- ruptae, quae ex gentili tate conversae christianum recipiunt matrimo- nium, possint recipere benedictionem nuptialem intra Missam.

2. An sponsi christiani qui pridie in pomeridiana matrimonium in Ecclesia receperunt, et crastina sequenti die ad Missam ambo veniunt, beneditionem intra Missam recipere possint, illis non interrogatis de continentia in nocte servata.

R. Ad 1. Affirmative. Ad 2. Affirmative; neque ullo modo faciendam esse interrogatio-

nem de qua in dubio mentio fit: et ad mentem. Mens est quod in illis matrimonio iungendis admonitio praetermittenda non sit Sacrosan- ctum Concilium Tridentinum hortari (Sess. XXIY. cap. I. De Reform. Matrim. ) ut coniuges ante benedictionem sacerdotalem in templo ac- cipiendam in eadem domo non cohabitent.