APPENDIX VI. 637

S. C. S. Officii 31 Augusti 1881. De Benedictione nuptiali.

Benedictionem nuptialem quam exhibet Missale Romanum in Missa pro sponso et sponsa semper impertiendam esse in matrimoniis catho- licorum, infra tamen Missae celebrationem, iuxta rubricas, et extra tempus feriatum, omnibus illis coniugibus, qui eam in contrahendo matrimonio quacumque ex causa non obtinuerint ;• etiamsi petant post- quam diu iam in matrimonio vixerint, dummodo mulier, si vidua, be- nedictionem ipsam in aliis nuptiis non acceperit.

Insuper hortandos esse eosdem coniuges catholicos, qui benedi- ctionem sui matrimonii non obtinuerunt, ut eam primo quoque tem- pore petant. Significandum vero illis, maxime si neophyti sint, vel ante conversionem ab haeresi valide contraxerint, benedictionem ipsam ad ritum et solemnitatem, non vero ad substantiam et validitatem per - tinere coniugii.

S. C. S. Officii il Sept. 1878. Vic. Ap. Coreae. - De sanatione matrimonii.

A novem iam annis Coreana Missio immani persecutione premitur, nec ullum habet sacerdotem qui christianos instruere ipsisque Sacra- menta ministrare valeat. Iam plura christianorum millia ferro perse- cutoris sublata sunt, aliique dispersi et errantes vix locum invenire possunt, ubi sine mortis periculo habitare possint. Exinde factum est ut plures ex illis matrimonia cum paganis contrahere coacti fuerint, et quidem sine dispensatione disparitatis cultus, cum nullus esset mis- sionarius qui talem dispensationem concederet. Item quandoque accidit ut, in usu privilegii fidei, coniux infidelis conversus et baptizatus in- terpellationem omiserit ad coniugem in infidelitate immanentem, licet in pluribus casibus haec interpellatio esset vel forsan necessaria vel saltem dubiae obligationis. Denique notandum est quod, donec durabit persecutionis rabies, nequaquam fieri poterit huiusmodi interpellatio ad priorem coniugem infidelem quin gravioris persecutionis et forsan mortis periculo grex fidelium exponatur. Ut igitur praedictis incom- modis tum pro praeterito, tum pro futuro provideatur, praelaudatis Orator humillime supplicat pro duplici gratia quae sequitur:

Pro praeterito, ut Sanctitas Vestra sanare iti radice dignetur ma- trimonia iam contracta in Corea, quae nulla vel dubia evaserunt, pro- pter omissionem interpellationis, vel propter cultus disparitatem, aut aliud impedimentum iuris mere ecclesiastici...