640 APPENDIX VI.

Neque ut hoc ecclesiasticae sepulturae beneficio haeretici quidam fruantur, quidquam illis suffragari poterit, vel quod (ut inquis) non per ianuas, sed per ecclesiae cryptas eorum corpora inferantur, vel quod eo iure iamdiu illorum familiae potiantur, vel demum quod ec- clesiae tectum ac fabricam servare promittunt. Vides enim fucum fieri Ecclesiae legibus, si haeretici communi sepultura cum catholicis so- cientur, quamquam diverso utantur ad sepulchrum ingressu. Ius autem familiarum quale esse poterit, si quis a fide desciverunt, omni etiam, iuxta sacros canones, iure ac privilegio, quod Ecclesiae beneficio con- sequuti sunt, privatos ac spoliatos esse oporteat? Tandem nec sumptus pro restaurandis ecclesiis ab haereticis promissi movere Te debent, ut pecunia existimes eosdem communi posse cum catholicis sociari tu- mulo. At valde timendum refers, ne quod ab Episcopo haereticis de- negatur, id a saeculari potestate impetraverint. Catholicorum Principum pietas haud ita futurum esse suadet ; attamen quidquid absque tuo consensu ac nutu factum fuerit, si quidem absque turbarum et discor- diarum periculo prohibere nequeas, moerens ac tacitus patienter feres, ita tamen ut sis de christiana aequanimitate ac tolerantia laudandus, nunquam vero de consensu et approbatione culpandus.

Quamquam non tam de ecclesiis modo quam de coemeteriis quae- ris, quae haereticis ac catholicis communia sunt ; quod cum omnino sine offensione tolli non possit, « Episcopus, inquis, disposuit, ut oc- » casione sepulturarum, secundum recentiora regia toto Regno de- » creta, extra urbes, oppida, pagos ab ecclesiae areis transferendam»!, » nova constituenda coemeteria, remotis arbitris in proportionata sui » parte pro catholicis humandis benedicantur ; in reliqua vero intra » eamdem coemeterii cinc turam parte corpora acatholicorum tumu- » lentur. » Optime quidem haec a Te disposita ac constituta sunt pro ea, qua Episcopus in hac temporum iniuria uti patientia ac tolerantia debet. Videat tamen Amplitudo Tua, ut quantum sublatis contentionum ac dissidiorum periculis fieri poterit, in humandis catholicorum cor- poribus tam quoad locum, quam quoad alias Ecclesiae caeremonias, omnia ad normam sacrorum Canonum, quos optime calles, confor- mentur.