672 PARISIEN.

bitationem interminabat, et aliquando, ut actrix et nonnulli asserunt, eam verberaverat et mortem minitaverat, tandem, animum flexisse, ait. Matrimonii civilis ritus celebratus est Parisiis die 13 Septembris 1884; ecclesiasticae nuptiae biduo post, die scilicet 15 Septembris anni 1884 in ecclesia paro- chiali SSmae Trinitatis, eiusdem civitatis, post unicam ban- norum publicationem, ceteris dispensatis.

Eodem die quo nuptiae initae fuerant, sponsi pro rece- pto more, voluptuarium iter aggressi sunt, et Biarritz pe- tierunt, ubi breve domicilium habuerunt. At haud feliciter. Statim enim discordia, iurgia, contentiones, aversio exarse- runt. Neoconiuges nunquam eodem cubiculo usos fuisse, as- serunt ; at Magdalena decem contubernii diebus transactis, pressa viri insistentia, coacta rei uxoriae quater vel quin- quies tantum operam dedit, et mater facta est.

Infelicissima haec vita, mulieri praesertim cuius odium in dies excrescebat, usque ad annum 1890 perduravit, quo labente Mauritius laicum tribunal adivit, atque allegans uxo- rem debitum coniugale absolute semper negavisse et negare, separationem corporis obtinuit, Separatio vero bonorum iam antea a Magdalena obtenta erat, cum Mauritius omnia bona sua dissiparet.

Biennio elapso a dissociata cohabitatione, mense nem- pe Novembris 1892, mulier ad dissolvendum coniugium Ar- chiepiscopo Parisiensi epistolas mittebat, in quibus nullum ex capite vis et metus declarari matrimonium suum postu- labat.

Emus Archiepiscopus Parisiensis die 25 Novembris eius- dem anni pro causa huiusmodi cognoscenda iudicem delega- vit, Vicarium suum generalem, simulque deputa vit sacra- menti vindicem et actuarium.

Iuramento ab iis praestito, iudex delegatus actricem, eius patrem, virum nec non octo testes ab ipsis inductos ac- cersivit et audivit; alios tres per Ordinarium Coloniensem et Niciensem excuti curavit; et perpensis defensoris vinculi et actricis argumentis atque allegationibus, ad sententiam de-