PARISIEN. 673

venit, et matrimonium nullum ex capite vis et metus decla- ravit. At cum defensor vinculi appellavisset, ad S. C. O. causa delata est, et hac die proposita fuit sub dubio in calce excripto.

Disceptat io Synopt ica

DEFENSIO MULIERIS. Advocatus suam allegationem in quinque capita dispescit : atque in I o , ad examen revocans personas, quae versantur in causa, agit in antecessum de honestate et credibihtate testium; ac notat quod testes in- ducti, praeter patrem et virum actricis, sunt eiusdem mu- lieris germana, et le vir, baro d' Oppenheim avunculus, Ioanna Scribot de Bons affinis, sacerdos Joly a sacris et confessa- rius in domo religiosa, in qua mulier commorata fuit, su- periorissa eiusdem domus, advocatus Denormandie consobri- nus viri, comitissa Malvezzi, et marchionissa de Tallenay actricis amica, ac tandem cubiculariae Maria Pauly et Chri- stina Marner, quos omnes commendant legitima singulorum probatio, praeclarum officium, ac aetas provecta ; ideoque quamvis suspicionem a testibus avertendam, eorumque dictis plenam fidem adhibendam tuto fore contendit.

Porro in casu undecim sunt testes, quibus pater ac vir adiici posset, omnes fide digni et cum coniectura, id est, cum indiciis, factis et adminiculis pluribus de metu depo- nentes : insuper universi omni exceptione maiores, cum nec soror, nec forte pater aliqua exceptione repelli possit. Nam in matrimonialibus causis consanguinei et familiares non ha- bentur suspecti ex clara praescriptione cap. Videtur nobis 7 De iis qui matrim, acc, quia, ut observat Rota apud Fari- nacium, dec. 147, num. 10, « obiecta domesticitas non mi- nuit, sed potius auget fidem testis in hac materia, ratione praesumptae scientiae et veritatis ».

Deinde patronus de Magdalenae eiusque patris indole dis- serens, ait, omnes testes a f f i rmare , Magdalenae patrem, vi- rum honestum ac religiosum fuisse; at auctoritarium, vio- len tissimum, sui propositi tenacissimum ac proclivem ad iram

Acta, Tom. XXVI. fase. CCCXI. 43