676 PARISIEN.

passa ore loquuta sit, corde tamen non consenserit. Imo sup- ponitur consensisse ; et in hac hypothesi ad irreparabilem ab ea avertendam iacturam et in iustissimae libertatis tute- lam, provida lex constituit, ut huiusmodi consensus sub metu datus, nullus et inanis ab initio censeatur ac sit.

Imo, observat patronus, cum per matrimonium non res aliqua, sed ipsum corpus ipsaque individui libertas alteri tradatur, iam maior libertas in matrimonio contrahendo re- quiritur, quam in ceteris contractibus. Ita uno ore DD., quos inter Sánchez lib. 4, disp. 6, n. 2, Consci lib. 1, cap. 8, n. 38, iuncto iure in cap. Cum locum, De spons.

Attamen, sequitur orator, non quilibet incussus metus sufficit ad matrimonialem consensum irritandum ; sed requi- ritur metus gravis, ab externo, iniuste et directe incussus ad consensum extorquendum. Porro in casu de quo agimus, metum fuisse gravem, ab externo, iniuste et directe ad ex- torquendum consensum incussum, id evidens per se esse, ait orator. Gravem autem fuisse non difficulter probatur. Sane inter diversa criteria quae iurisperiti proponunt ad metum gravem dignoscendum, clar. Gasparri, De matrimo- nio vol. 2, n. 814, t radit : « Metus gravis seu gravis mentis trepidatio, de facto verificatur, quando malum instans vel futurum, grave est pro illa persona, quae nempe illud facile sustinere non posset, et simul persuasum habeat illud revera sibi imminere ».

Porro prohibitio invisendi maternam aviam, quam actrix orbata matre, ferventi amore prosequebatur, comminatio pu- blici scandali, eiectionis e paterna domo et detrusionis in monasterium, convicia, verberationes revocare in memoriam miserrimam mortem matris, et minitari ipsam eadem ratione obituram fore; demum, ut alia omittamus, intolerabilem red- dere domesticam cohabitationem, haec omnia, singillatim etiam sumpta, pro pavida puella septemdecim annorum, ma- lum in se grave constituunt. Et insuper in themate cum ageretur de patre obstinato ingenio, superbo et imperioso animo, qui filiae bono certissime consulere putabat, « si je la