PARISIEN. 677

force à se marier c'est pour sou bien, » quique filiae repu- gnantiam flocci faciebat, et facillimus ad iracundiam erat si contradiceretur, et ad exequenda sua proposita tenacissimus, comminata mala, morali certitudine imminebant. Nec ad- mitti potest, comminati mali periculum in vana aut levi Ma- gdalenae aestimatione fuisse. Marchionissa enim de Tallenay, cui testes omnes consonant, ait : « Mr. Deslandes a une vo- lonté de fer et un caractère des plus violents... me répon- dit qu'il était le père et avait le droit d'imposer un mariage à sa fille ».

Et eo minus tradi potest libertatis amissionem leve quid esse ; imo maximum malum absolute esse, nedum recta ratio, sed ipsamet iura proclamant, L. Ego puto ff. De his qui vi etc. iuncta Rota dec. 374 cor. Ludovisio et Gasparri op. cit. n. 815. Quod magis verificari debebat in aestimatione vivacis nobilisque puellae, quia « etiam qualitas personarum attendenda videtur; minor enim metus sufficit in femina quam in viro». Reiffenstuel tit. De his equae vi metusve etc. n. 79 et cum eo Sánchez, De matrim. Hh. 4 disp. 3, n. 2* Vecchiotti t. 3, n. 176, ac passim omnes.

Nec sufficit; sed orator ex actricis et testium depositio- nibus demonstrare nititur a patre ad consensum extorquen- dum etiam occisionis comminationem adhibitam fuisse.

Sed, ceteris omissis, patronus prae oculis ponit Instru- ctionem S. R. et U. Inquisitionis ad Episcopos Orientales editam anno 1883, quae docet, quod « gravitas timoris oritur ex natura minarum, ex qualitate tum eorum a quibus illae proficiscuntur, tum eorum qui eas passi dicuntur; » et ex- inde singulas recenset circumstantias quae ad gravis metus aestimationem requiruntur, nempe diuturna et importuna vexatio, gravitas minarum, ut eiectio e paterna domo, hae- reditatis privatio; auctoritas et pertinacia terrentium, eo- rumque prompta iracundia et violentia; fragilitas demum, inexperientia, indoles patientis: quae circumstantiae cum amussim verificentur in themate, dubitari non posse, quominus gravis metus illatus Magdalenae non fuerit, concludit orator.