PARISIEN. 683-

pore tranquillo inhiabat, abhorrere, agitur de valore matri- monii, et proin operosum non est, nostris praesertim tem- poribus in quibus error matrimonii ex mutuo coniugum consensu - per incompatibilità oli carattere - aliisve futilibus de causis solubilis grassatur, comparare phalangem testium, qui modo factum aliquod dicendo amplificant, modo facto al- teri addant circumstantiam quae in rerum natura minime existit, modo ab altero facto circumstantiam aliquam detra- hant, soliciti potius succurrere actori sive actrici inducenti, quam sanctitati matrimonii prospicere.

Malo huic medicina paratur, si praeter testes ab actore vel actrice inductos, alii testes ex officio advocentur. At dolet orator, quod huiusmodi lex praesenti in causa adim- pleta non sit. Acta enim processus rimatus nullibi vidit te- stes ex officio inductos. Et quamvis iudex in sententia con- signet: « Auditis actrice et reo, necnon testibus ab eis in- ductis, » inter acta tamen processus testes a Mauritio Fleury inductos, vel eius propinquos, quamvis ipsamet Magdalena testetur se, tempore non suspecto, commoratam esse in domo parentum mariti, reperire datum ei haud est; imo iudex excutere omisit tum Ducem Canrobert, tum Comitem de Ray- neval, testes ad celebrationem matrimonii adhibitos, quamvis eorundem examen in praesenti causa in qua impugnatur li- bertas consensus in matrimonium praestiti, videatur apprime necessarium.

At, scribit defensor vinculi, etsi, cum processus hac me- thodo conficiantur, fere impossibilis evadat defensio cuius- cumque matrimonii, tamen in praesenti perdifficile non est valorem controversi matrimonii in tuto ponere. Re enim vera ad tramites Instructionis S. R. et U. Inquisitionis ad Episcopos Orientales anno 1883 datae artic. tert. de impe- diment. metus § 37 praeprimis « Considerandum erit, utrum quando contractus matrimonialis erat signandus libenter et sine ulla protestatione id praestiterit, utrum aliqua, fraus ad- hibita ad talem obsignationem obtinendam. » Iam vero per- spicuum est, Magdalenam Deslandes absque ulla protestatione