688

FRIBURGEN.

DUBII QUOAD MISSARUM APPLICATIONEM

Die 14 Aprilis 1894. Per summaria precum.

COMPENDIUM FACTI. Archiepiscopus Friburgensis cuidam beneficiato in ecclesia parochiali Ueberlingen contulit par- vam parochiam Andelshofen, eidem permittens in diebus fe- stis in utraque ecclesia missam celebrare. At nonnullis ex- ortis dubiis circa applicationem missarum, rem ita exposuit S. C. Cong. sub die 4. Ianuarii 1894.

« Iosephus Fhringer, beneficiatus in Ueberlingen, pro- pter penuriam sacerdotum, qua dioecesis mea iamdudum la- borat, simul excurrendo administrat parvam parochiam An- delshofen ab Ueberlingen non longe distan tem. Quapropter quavis dominica ac quovis festo de praecepto sacrosanctum missae sacrificium offerre debet tum in Andelshofen, ubi ap- plicatio pro parochia ipsi incumbit, tum in Ueberlingen, ubi. ratione beneficii celebrare debet; si quidem beneficiato obli- gatio imposita est, parochum in cura animarum adiuvandi. Iam vero in huius beneficii fundatione beneficiato onus im- positum est, ut quater per hebdomadam, quavis sc. domi- nica et festo et insuper tribus resp. duabus aliis hebdoma- dae diebus, sacrum applicet pro fundatoribus.

« Cum autem per ecclesiae leges vetitum sit sacerdoti- bus bis celebrantibus, plusquam unum accipere stipendium itemque parochis ac proparochis, pro secunda missa, quam praeter eam, quam pro parochia applicant, accipere stipen- dium ; ex altera vero parte parochis et proparochis, qui duas administrant parochias, pro utraque applicare sicque duplici obligationi satisfacere liceat, praedictus beneficiatus a me quaerit :

« 1. Utrum oneri, ipsi tamquam beneficiato incum- benti, quavis dominica applicandi pro fundatoribus, satisfa- cere possit per secundam missam, quam praeter missam pa- rochialem, pro parochia Andelshofen applicandam, celebrat;