692

MEDIOLANEN.

DISPENSATIONIS AB IRREGULARITATE.

Die 14 Aprilis 1894.

Per summaria precum.

COMPENDIUM FACTI. Clericus Caietanus Canavesi medio- lanensis Archidioeceseos, philosophiae curriculo iam absoluto, cuperet ad sacros conscendere ordines, a quibus aegre re- pellitur ex vitio corporis. Ipsi enim, anno elapso, gravi morbo affecto laevum crus amputatum fuit. Hinc, ut quod ordinario ei interdicitur iure, gratia saltem consequatur, sup- plicem SSmo obtulit libellum, exposcens veniam super prae- fata irregularitate, facultatemque ut ordinibus initiari possit. Una cum precibus simul adducebat ss. caeremoniarum ma- gistri testimonium, ex quo colligitur : clericum stare posse sine baculo, gradus ascendere et descendere, calicem ferendo, et genuflectere; omnia tamen haec cum aliqua difficultate,, ab orthopedico apparatu minus perfecto, promanante; quam difficultatem cum exercitii iteratione removeri posse creden- dum est. Re ad S. C. C. remissa litterae datae sunt Ordi- nario, ut de oratoris aetate, moribus, scientia nec non de necessitate seu utilitate Ecclesiae, ex eius promotione ad ss. ordines obventura, referret.

Revmus Vicarius Capitularis ita singulis diligenter sa- tisfecit : « Eminentiam Tuam, inquit, certiorem facimus, clericum Canavesi aetatis suae annum vigesimum tertium agere, in philosophicis doctrinis satis profecisse, sufficienti ingenio, optimis moribus et sacerdotali vocatione ornatum esse; eumque existimamus perutilem huic nostrae Dioecesi ».

Disceptat io Synopt ica .

GRATIA DENEGANDA VIDETUR. Quamvis in genere ex ma- iori vel minori incedendi difficultate vel deformitate sta- tuendum sit, utrum claudus reputari debeat irregularis, quod iudicium ad Ordinarium Praelatum pertinere tradit