MEDIOLANEN.

cum communi Reiffenst. lib. 5 Decr. tit. 37, § 43 Um S4; in specie tamen haud dubie irregularis evadere videtur, qui sine baculo vel sine ligneo pede nequit incedere : Glossa in can. Si quis in infimi. IO, dist. 55; et in can. Nullus Episcopus 57, dist. 1 de consecr. Abb. in cap. 2 de cler. aecjr. n. 2; Barbosa de off. et pot. Eprise, alleg. 42 n. 40; Reiff, loc. cit. ; Ferraris v. Irregular, art. 1, n. 12. Qua- propter si irregularitas in casu, de quo agitur, non ex de- formitate incessus, iuxta ea quae caeremoniarum magister refert, deducenda foret, adhuc tamen superesse putarem al- teram irregularitatis causam, quae ex tam insigni mutila- tione corporis proveniret.

Quin referam vulgatas iuris dispositiones quibus corpore vitiati ab altaris ministerio repelluntur, adnotare satago, in actis Sacrae Congregationis non pauca reperiri exempla pro- pitii Sacri Ordinis rescripti ad preces dispensationis expeti- tae, a iam promotis, super irregularitate proveniente ex una vel altera insigni mutilatione corporis, tamen tria tantum eiusdem speciei exempla inveniri favore mutilati clerici pro- movendi. Iamvero si in Mathelicen. die 5 Maii 1866, in qua agebatur de gravissimo casu Paschalis Boccoli, clerici professi inter Fratres Minorum de observantia, dispensatio- nem expostulantis ab irregularitate, in quam inciderat ob amputationem cruris dextri rescriptum prodiit: supplican- dum esse SSmo pro gratia dispensationis, id tribuen- dum videtur speciali circumstantiae religiosae professionis, qua orator Boccoli etsi sacris ordinibus nondum auctus, ae- quiparari iam promoto non immerito potuerit. Pariter in Bergomen, diei 22 Septembris 1866_, preces cuiusdam Do- minici Colleoni, cui pes sinister amputatus erat, et alius ex ligno affabre adaptatus, benigno utique responso, attentis pe- culiaribus circumstantiis, dimissae fuerunt et gratia indulta, clausula tamen adiecta in exemplum non adducenda ; uni- cum ergo exemplum, casui nostro simillimum, habetur in Adrien. Dispensationis ab irregularitate die 11 Decem- bris 1875, per summaria precum.