696 ASSISIEN.

cumstantiis, dum aliae manutentiones omnino incumbebant Abbati commendatario.

Dicta congrua an. 1836 statuta erat in summa seu tato- rum 88. 50: in posterum decreta fuit in libellis 502. 40 ita divisis, nempe libel. 372. 40 pro congrua: libel. 100 pro li- gnis et horto et libel. 30 pro emendatione linteorum. In tali etiam summa denuntiata fuit Gubernio ab actuali Archiepi- scopo Spoletano inter onera suae mensae.

At Archiepiscopus occasionem arripiens ex legibus italicis proprietatis ecclesiasticae eversivis et praetexens suae mensae paupertatem, contra hoc onus insurrexit declarans se libera- tum quoad manutentiones, congruam vero reduxit ad libel- las 300 circiter, etsi ipse dicat, se libellas 375 persolvere quia super his retinet taxam vulgo ricchezza mobile.

Cum res amicabiliter componi non potuisset inter Archie- piscopum ex una parte, qui tantum ad dictam summam favore parochi de Limisiano se obligatum affirmabat, et inter Epi- scopum Assisiensem ex altera iura parochi ex integro pro- tuentem, omnibus de iure peractis, quaestio pro solutione ne- cessario remitti debuit plenario Emorum Patrum Auditorio S. Cong. Episc, et Regul.

Disceptat io Synoptica.

PRO EPISCOPO ASSISIEXSI. Hic, praemisso quod onus Ab- batibus Commendatariis incumbens quoad manutentiones et congruam favore Vicariae Curatae de Limisiano est extra controversiam, nedum quia id constat ex documentis seu ex attestationibus Vicariorum dictae ecclesiae, sed etiam quia id maxime est rationi consentaneum, cum Abbates eiusdem bonis perfruantur, potius ducit diluere argumenta ex adverso prolata.

Et primo dicit, nullimode sustineri, iuxta leges civiles, praetensionem ab Archiepiscopo allatam, nempe quod ad ma- nutentiones obligatur Gubernium vel melius Regius Oeconoma- tus : admisso nam quod manutentio paroeciae de Limisiano