698 ASSISIEN.

realiter percepta, nempe in libel. 300, ita dum denuntiatio in maiori summa prodest Archiepiscopo, eadem obest Vicario Curato, qui loco libel. 300 recipit tantum libel. 281 .

In sequelam huius denuntiationis parochus loci Colleman- cio a duobus annis in Limisiano cappellani munus gerens, sequestrum a tributorum exactore passus est ob libellas 150 taxae vulgo manomorta, quinque annis insolutae: et Episco- pus , ne insontem parochum in miseriam deiiceret, dictam summam ex proprio exsolvit, quam nunc petit sibi refundi ab Archiepiscopo.

Tandem, observat Episcopus, cum dicta congrua decurtata libel. 281 . 76 Vicarius Curatus occurrere deberet celebrationi 142 missarum, quarum circiter 82 pro populo in Limisiano et aliae 60 applicandae in oppido Cannara, occurrere deberet manutentioni lampadis ante SS. Sacramentum et aliis expensis cultus. Pro quibus omnibus, eleemosynis missarum ad taxam synodalem computatis, iuxta Episcopum requireretur summa libel. 283 : proindeque nedum congrua in tenues abiret auras, sed insuper Vicarius Curatus de proprio exolvere deberet li- bel. 2. 2 4 , nullo habito calculo de incertis quae tenuissima sunt, inexigibilia et ob eorum prorsus incertam naturam, in ratione congruae minime computanda.

PRO ARCHIEPISCOPO SPOLETANO. Hic, adnotato quod non intendit ad trutinam revocare adducta ex adverso , tantum sequentia perpendenda subiicit.

Observat itaque in primis quod sua mensa quae olim di- tissima erat , cum eius reditus excederet summam libella- rum 75,000, nunc vi denuntiationis peractae ab Archiepiscopo Arnaldi in summa libell. 23,000 ad elîectum impositionis ta- xae vulgo manomorta, ita in reditibus diminuta est, ut hi de- purati reducantur ad libellas 7,500 cum quibus consulere debet manutentioni episcopalium aedium sive urbanarum sive ad rusticandum, rependere mercedem in sui servitium addi- ctis, conferre subsidia Seminario, pauperibus, et tandem an- nuam pensionem vel praestationem persolvere Principi Po- tentiam in libellis 525.