732 AQUILANA

Ecclesiae Paganicae ad extra, solliciti porrexerunt Decreta Episcopi Gualtieri, probare contendentes, Vicarium curatum obtinuisse praebendam Canonicalem in titulum Vicariae Cu- ratae et alios Cappellanos evasisse coadiutores curatos. Cui instantiae Capellani reponunt quod non alio scopo ipsi apud civile tribunal invocarunt Decreta Episcopi Gualtieri nisi ad probandam naturam praebendae curatae tum in Vicaria tum in Cappellanus ; et huiusmodi praebendas legi suppressionis S. Augusti anni 1867 subiectas non esse.

At postremo loco actor asserit nec fieri potuisse quod contendunt oppositores, per decreta Episcopi Gualtieri, quan- doquidem Episcopo ne tempore quidem s. Visitationis licere ea immutare a S. Romana congregatione firmiter statuta.

Circa aliud controversiae caput respiciens Ecclesiae pro- ventum et cultus expensarum administrationem, quam actor in communi habendam esse contendit, subiungit nullum adesse Ordinariorum decretum auferens hoc ius Cappellanis quippe qui in curam animarum et in cultum divinum habent spe- ciale mandatum. Hinc referunt elenchum negotiorum ab an- no 1877 ad 1880 ex quo apparet modo unum modo alium Cappellanum ea peregisse et in specie indiscriminatim eos exegisse crediti syngraphas (mandati di pagamento) a Con- gregatione Charitatis.

Denique postremo loco actor animadvertit, non esse omnino tollerandum ridiculum abusum Vicarii curati induendi insi- gnia Canonicalia in Ecclesia Paganicae ad extra non solum cum nullimode sit canonicus sed quia, etsi esset, id prohi- beretur a iure. Sane S. C. E E . et R R . anno 1650 in Pia- centina, decrevit quod « Canonici et praebendati non pos- sunt deferre almutias cum uti singuli non collegialiter cum Capitulo incedant ».

CANONICI CURATI DEFENSIO. E t ipse historiam referens utriusque Paganicae, hodiernum exponit statum Ecclesiae ab extra, aiens, in ea servitium praestare Vicarium curatum, cui titulus competit Canonici Curati et tres Cappellanos Co-