AQUILANA 733

adiutores proprias ac distinctas habentes praebendas. Omnes gaudent iure percipiendi emolumenta adventitia, quamvis non eadem mensura; parochus enim accipit duplicem portionem. Verum Vicarius et Cappellani, ante leges patrimonii Eccle- siastici eversi vas, unum corpus efformabant cum Capitulo Ecclesiae collegiatae S. Mariae de Paganica ad intra, et hinc participabant de massa communi et quotidianae pun- ctaturae subiiciebantur propter absentiam a choro in ecclesia ad extra, cuius servitium chorale considerabatur ut unum idemque cum eo praestito in ecclesia collegiata ad intra. Ni- hilominus parochus ecclesiae ad extra adhuc retinet titulum et praerogativas canonicales, et sedendi ius habet in choro ecclesiae collegiatae quoties velit interesse ; dum e contra capitulum nonnulla habet reservata sibi iura e. g. nominandi parochum et bis in anno functiones peragendi in ecclesia originaria terrae Paganicae.

Haec est hodierna constitutio ecclesiae ad extra inquit curatus, quam iniuria perturbare nititur cappellanus Vin- centi; et hoc probat I o refellendo adversarii argumenta, 2° solidas in suum favorem rationes afferendo.

Cum primis advertit, ex adversarii argumentis speciem veri unum tantum habere quod se refert ad decretum S. C. C. anni 1731. Verum, re intimius perspecta, patet hoc magis nocere quam favere cappellanis. Revera in illo sapientissi- mo decreto, una semper et eadem recognoscenda est mens S. Congregationis, scilicet sarta et tecta conservandi iura capituli supra cappellanos, quos recognoscit inservire Eccle- siae ad extra nomine et delegatione capituli, ita ut si ipsum vel universum vel per aliquem Canonicum sit praesens in hac ecclesia, debeant Cappellani eidem et praeeminentiam et quodcumque munus etiam parochiale cedere. Nam, ait curatus, cura habitualis residebat in capitulo et actualis exer- cebatur per cappellanum ad nutum revocabilem. Absente au- tem Capitulo et canonicorum nemine praesente, tunc ae- quum fuit distinguere inter functiones parochiales et reliquas minime tales, attribuendo primas exclusive cappellano curato