742 RAVENNATEN.

maiores ac incerta minora quam in anno 1855, nihilo secius reditus medius paroecialis depuratus est in libell. 3000. Tertio quoad summam scutatorum 100 pro fabricae et cultus manutentione, de qua in precibus Emi Falconieri et quae a parocho tamquam non veritati respondens carpitur, observat Commissio quod dicta summa in precibus nullimode invenitur denuntiata inter passivitates paroeciae et de expensis cultus nulla mentio pariter recurrit.

Tandem deductionem parochi ex facto sui Antecessoris, qui dictam pensionem numquam persolvit, Commissio respuit, quia nulla obligatio erat dictam summam quotannis apud Curiam deponendi ; unde parochus Amadori a semetipso pot- erat eam in resfaurationes ecclesiae impendere, sicuti de facto constat ingentes reparationes sive in ecclesia sive in aede paroeciali factas fuisse.

Descendens deinde Commissio ad alteram partem nempe ad pensionem libell. 300 favore paroeciarum pauperum, eius impositionem omnino sustinet. Relatio enim facta ab Emo Cattani quod praebenda paroecialis s. Petri abundet reditibus, nedum est consona opinioni generali vigenti quod ipsa ditis- sima sit inter dioecesis paroecias, sed innititur inventario exhibito a parocho Amadori tempore S. Visitationis et in- strumento firmato : ex ipso scatet reditum paroeciae non pur- gatum ascendere ad 1 bell. 7019, a quibus si detrahatur pas- sivum, comprehensis expensis cultus aliisque, in libellis 3559, remanet pro parocho depuratus reditus ribellar. 3460 et non libell. 40. 30 ut traditur ex adverso.

Observationem autem factam a parocho quod inventarium Amadori sit exaggeratum, Commissio refutat aiendo, quod etiam nota a contradictore exhibita sit corrigenda. Re qui- dem vera reditus praediales, qui fere totum paroeciae redi- tum constituunt, desumpti ex media quatriennii 1885-88, iuxta dictam notam, ascenderent ad libell. 2451 .10 . Sed haec summa, iuxta Commissionem, retineri nequit ceu ordi- naria approximativa, tum ob crisim fundorum seu agrariam tunc temporis vigentem, tum etiam forsan ob passa tunc