Acta Apostolicae Sedis - Commentarium Officiale314

christifidelium bonum pertinent novi Vicariatus Apostolici, sollicitis curis

Societatis Divini Salvatoris, quae ibidem fructuosam navat operam, libenter

ac fiduciose concredimus.

Haec omnia diligenter ad expedienda Venerabilem Fratrem Eugenium

Martinum Nugent, Archiepiscopum titulo Sancti Secundini in Dominica et

Delegatum Apostolicum in Insulis Comorensibus delegamus, facta facultate

quemvis alium virum in ecclesiastica dignitate constitutum subdelegandi; re

tandem ad exitum perducta, documenta apparentur, quorum sincera exem-

pla ad Congregationem pro Gentium Evangelizatione sine mora mittantur.

Contrariis rebus quibusvis non obstantibus.

Datum Romae, apud S. Petrum, die primo mensis Maii, anno Domini

bismillesimo decimo, Pontificatus Nostri sexto.

e Tharsicius card. Bertone Ivan card. Dias

Secretarius Status Congr. pro Gentium Evangelizatione Praef.

Franciscus Bruno, Protonot. Apost.

Franciscus Di Felice, Protonot. Apost.

Loco e Plumbi

In Secret. Status tab., n. 146.519

II

IPILENSIS

Praelatura territorialis Ipilensis ad gradum ac dignitatem dioecesis evehitur.

BENEDICTUS EPISCOPUS

servus servorum dei

ad perpetuam rei memoriam

Quandoquidem Praelatura territorialis Ipilensis hisce temporibus eo nu-

mero clericorum operibusque pastoralibus crevit ut eius rerum externarum

dispositio videretur aptanda esse, sententiam accipiendam putavimus Vene-