ACTA BENEDICTI PP. XVI

LITTERAE APOSTOLICAE

Venerabili Dei Servo Carolo Liviero caelitum Beatorum tribuitur dignitas.

BENEDICTUS PP. XVI

Ad perpetuam rei memoriam. - « Repleti sunt omnes Spiritu Sancto »

(Act 2, 4). Pentecostes die ex alto copia data est Apostolis Evangelium intel-

legendi, qui susceperunt simul caritatis ignem itemque animosum repletum-

que missionalis fervoris cor, scilicet paratum usque ad sanguinis effusionem

ad Domini mandatum exsequendum, qui dixit: « Euntes in mundum univer-

sum praedicate evangelium omni creaturae » (Mc 16, 15).

Idem Spiritus Sanctus in Venerabilem Dei Servum descendit Carolum

Liviero, flagrantem erga Deum amorem in eo concitans, ac pariter continua-

tum in sanctitatem anhelitum indefessumque studium in Dei regnum aedifi-

candum, populum, sibi commissum, pastoraliter curandum, sacerdotes potis-

simum, Sorores, parvulos et pauperes.

Amicus hic Dei Christique testis Vicetiae die XXIX mensis Maii anno

MDCCCLXVI natus est. In dioecesano Seminario Patavino est institutus atque

ad sacerdotium se comparavit, quod anno MDCCCLXXXVIII suscepit. Archipres-

byter fuit parochus in oppido Gallio (annis MDCCCXC-MDCCCXCIX) ac deinceps

in oppido Agna (MDCCCXCIX-MCMX). Ubique praestantes suas dotes effudit in-

tellectus, cordis gratiaeque in pastoralem operam gerendam, quae animosi-

tate, inceptis ac laboribus distinguebatur. Studiose praedicationi, cui prae-

sertim fuit aptus, catechesi tradendae, sacramentis ministrandis, humaniter

An. et vol. XCIX 5 Octobris 2007 N. 10

ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana